म्हसावद l प्रतिनिधी
औरंगाबाद येथे झालेल्या राज्यस्तरीय रोलर रिले स्केटिंग स्पर्धेत नंदुरबार जिल्हा रोलर रिले स्केटिंग असोसिएशनचा चार बालकांनी सुवर्ण, रौप्य, व ब्राॅझ पदके पटकावुन जिल्हाचा यशात मानाचा तुरा रोवला.
नंदुरबार जिल्हा रोलर रिले स्केटिंग असोसिएशन मधील चौदा वर्षे वयोगटातील दोन व सहा वर्षे वयोगटातील दोन अशी चार बालकांनी सहभाग नोंदविला होता. औरंगाबाद दख्खनचा भुमीत खान्देशचा चिमुकल्यांनी आपला पराक्रम दाखवित जिद्द चिकाटीचा बळावर बालकांनी पदके मिळवलीत. चौदा वर्षे वयोगटात हर्षल सुभाष वळवी यांस सुवर्ण पदक तर यामिनी विष्णु माळी हिस रौप्य पदक. सहा वर्षे वयोगटात पार्थ संदिप चौरे व कौस्तुभ शैलेंद्र मिलखे यांनी ब्राॅझ पदके पटकावली. दोन्ही वयोगटातील बालकांना त्यांचे मास्टर ट्रेनर नंदु पाटील यांचे मोलाचे मार्गदर्शन लाभले. चारही बालकांनी घवघवीत यश प्राप्त केल्याने त्यांचावर कौतुकाचा वषाॅव होत आहे.नंदुरबार जिल्ह्य़ाचे जिल्हाधिकारी मनिषा खत्री यांनीही चारी बालकांना प्रमाणपत्र पुष्पगुच्छ देऊन गौरविले. पुढील यशासाठी त्यांना शुभेच्छा दिल्यात. बालकांनी आपल्या यशाचे श्रेय माता, पिता व गुरूजणांना दिले.
