नवापूर l प्रतिनिधी
शहरातील जुने महादेव मंदिर परिसराच्या विकास कामासाठी निधी मंजुर करुन दिल्याबद्दल जाहीर आभाराबाबत पत्र शिवसेनेचे जिल्हा उपप्रमुख हंसमुख पाटील,नगरसेविका अरुना पाटील यांनी आमदार शिरीषकुमार नाईक यांना दिले आहे
या पत्रात म्हटले आहे की, नवापूर नगरपरिषद हद्दीतील नदीकाठी स्थित असलेले जुने महादेव मंदिर परिसराच्या विकासाबाबत निधी मंजुर करुन मिळावा बाबत आपणास विनंती करण्यात आली होती. त्यानुसार आपण सदर ठिकाणी समक्ष भेट देऊन आमच्या विनंतीचा मान ठेवून आपण योग्य तो पाठपुरावा करुन सदर कामासाठी रु.५० लक्षचा निधी मंजुर करण्यासाठी आपण सहकार्य करीत असल्याचे सांगितले, त्याबद्दल आपले आभार. सदर नदीकाठी स्थित असलेले जुने महादेव मंदिर हे प्रभाग क्रमांक ७ मध्ये येत असून ते प्राचिन देवस्थान असल्याने परिसरात विस्तीर्ण अशी भली मोठी जागा आहे. गेल्या कित्येक वर्षांपासून सदर परिसर विकसित नसल्याने परिसर विकसित व्हावा अशी नागरिकांची देखील मागणी होती. मी स्वतः आपली यापुर्वी याविषयी समक्ष भेट घेऊन निवेदनही दिले आणि वरिष्ठ स्तरावर पाठपुरावा देखील मी करीत राहिले. परंतु,काही कारणास्तव निधी मिळणेस अडचणी आल्यात. या मतदार संघाचे आमदार या नात्याने आपणही निधी उपलब्धतेसाठी सातत्याने पाठपुरावा करीत होतात. या परिसराच्या विकासाकरीता जवळपास अंदाजित १ कोटी ७७ लक्षापेक्षा जास्त निधी लागत असल्याने पहिल्या टप्यात आपण रु.५० लक्षचा निधी मंजुरी करुन दिल्याने शहरातील विशेषतः प्रभागातील जनतेच्या वतीने नगरसेविका या नात्याने मी आपले शतशः आभार व्यक्त करते. लवकरच दुसर्‍या टण्यातील निधी मंजुर करुन द्याल बाबत विश्वास बाळगते.असे पत्रात म्हटले आहे.यावेळी नवापूर नगरपालिकेचे उपनगराध्यक्ष आयुब बलेसरीया उपस्थित होते.
