नंदुरबार | प्रतिनिधी
ग्रामसेवक व सरपंचाने खोटय स्वरूपाच्या तक्रारी करून संगणक परिचालकास पदावरून काढण्याचा प्रयत्न केला आहे. यासाठी संगणक परिचालकास सेवा देण्यापासुन अडथळा आणून ग्रामपंचायत कार्यालयात कामावर रूजू करण्यात येत नाही. म्हणून संबंधित ग्रामसेवक व सरपंचावर फौजदारी स्वरूपाची कारवाई करावी. या मागणीसाठी दि.२६ जानेवारी रोजी प्रजासत्ताक दिनी पालकमंत्र्यांच्या वाहनासमोर आंदोलन करून आत्मदहन करण्याचा इशारा संगणक परिचालक शालीग्राम ठाकरे यांनी दिला आहे.
याबाबत आदिवासी विकासमंत्री ॲड.के.सी.पाडवी यांना निवेदन देण्यात आले आहे.
नंदुरबार तालुक्यातील काकर्दे येथील ग्रामपंचायतीत शालीग्राम शामराव ठाकरे हे संगणक परिचालक म्हणून काम पाहतात. परंतु या संगणक परिचालकाविरोधात ग्रामसेवक व सरपंच यांनी खोटया स्वरूपाच्या तक्रारी करून परिचारलकास पदावरून काढण्याचा डाव रचला आहे. त्यासाठी संगणक परिचालक शालीग्राम ठाकरे यांनी संबंधित ग्रामसेवक व सरपंच यांच्यावर फौजदारी स्वरूपाची कारवाई करावी अशी मागणी जिल्हा परिषद प्रशासनाकडै केली होती. परंतु कुठलीही कारवाई होत नसल्याने संगणक परिचालक शालीग्राम ठाकरे यांनी दि.२६ जानेवारी रोजी प्रजासत्ताकदिनी राज्याचे आदिवासी विकासमंत्री तथा जिल्ह्याचे पालकमंत्री ऍड.के.सी.पाडवी यांच्या वाहनासमोर आंदोलन करन आत्महदन करण्याचा इशारा निवेदनातून दिला आहे.
