नवापूर | प्रतिनिधी
नवापूर तालुक्यातील खेकडा गावाजवळ खैर प्रजातीच्या झाडांची अवैध तोड करतांना एक व्यक्ती आढळला. मात्र, वनविभागाच्या पथकाला पाहताच त्याने पळ काढला. मात्र, गावकर्यांनी त्याच्या वाहनाला अडविले. बाजारभावाप्रमाणे या लाकडाची किंमत २ लाख २५ हजार रुपये आहे.
येथील वनक्षेत्रपालांना मिळालेल्या गुप्त बातमीवरून वनक्षेत्रपाल नवापूर व वनक्षेत्र स्टॉप नवापूर प्रादेशिक सह खेकडा गावाजवळील मालकी क्षेत्रात जाऊन पाहणी केली असता खैर प्रजातीच्या झाडांची अवैध वृक्षतोड करून नग तयार करून वाहन (क्रमांक जी.जे .२६ टी. २२०३) मध्ये भरलेले दिसले. वनाधिकारी व वन कर्मचारी दिसताच वाहनचालकाने पळ काढला व गावकर्यांनी गर्दीकरून वाहनाचा अटकाव केला. नवापूर पोलीस स्टेशन येथे संपर्क साधून पोलीस कर्मचार्यांना बोलावून वाहन (क्रमांक जीजे २६ टी २२०३) व खैर लाकडे जप्त करून विक्री आगार नवापूर येथे पावतीने जमा केला. जप्त मालाची बाजारभावानुसार किंमत २ लाख २५ हजार रुपये आहे. सदर कारवाईत वनक्षेत्रपाल स्नेहल अवसरमल, पोलीस उपनिरीक्षक प्रवीण कोळी, वनक्षेत्र स्टाफ नवापूर प्रादेशिक व नवापूर पोलीस स्टेशन येथिल पोलीस कर्मचारी यांनी सहभाग भाग घेतला. वन व वन्यजीव तसेच अवैधवाहतूक लाकूड संबधित कुठाला गैरप्रकार निदर्शनास आल्यास तात्काळ टोल फ्री नंबर १९२६ वर संपर्क करावा, असे आवाहन वनविभागातर्फे करण्यात आले आहे.
