तळोदा l राहुल शिवदे
चायना आणि नायलोन मांज्याच्या निर्मितीसह विक्री आणि वापरावर बंदी असली तरी तळोदा शहरात व परिसरात मात्र चिनी आणि नायलॉन मांज्याची विक्री आणि वापर सर्रासपणे सुरु आहे.चीनी आणि नायलोनच्या मांज्यमुळे राज्यात काही मुले जखमी झाली होती.पक्षांसाठी हा मांजा तर मृत्यु चा सापळा ठरल्याने त्याचा विक्रिसह वापरावर बंदी आली होती.मात्र तळोदा शहर व् परिसरात नियमाला धाब्यावर बसवल्याचे चित्र आहे.त्यामुळे या मांज्यावर पूर्णपणे बंदी आणावी अशी मागणी पर्यावरण प्रेमींकडून व नागरिकांकडून होत आहे.
मनुष्या पासुन ते पक्षांपर्यंत जिवघेणा ठरलेल्या नायलॉन मांजावरील बंदी असतांना शहरात सर्रासपणे सदर मांजा विक्री होत आहे. नायलॉन मांजा हा पक्षांसाठीच घातक नव्हे तर लहान मूले, रस्त्यावरील जा ये करणाऱ्या माणसांना देखील घातक ठरत आहे. दरवर्षी मांजामुळे पाय तुटुन निकामी झालेले, अक्षरशः झाडाला उलटे लटकुन प्राण गेलेले हजारो पक्षी आपण पाहतो या नायलॉन मंज्यामुळे पक्ष्यांना जीव गमवावा लागत असेल तर यावर चिंतन व्हायला हवे. यासाठी मनुष्य जिवाचे व मुक्या प्राण्या-पक्षांचे निष्पाप जीव वाचतील त्यामुळे या मंज्यवर धड़कपणे बंदी करण्यात यावी अशी मागणी नागरिकांकडून करण्यात आली आहे.
प्रत्येक भारतीय नागरिकाने आपले राष्ट्रीय कर्तव्य समजून या मकरसंक्रांतीपासून नायलाँन सारखा घातक मांजा वापरला जाणार नाही. याची काळजी घ्यावी, जेणेकरून लहान मुलासह दुचाकीस्वारांचे हात, गळा चिरल्याच्या घटना घडणार नाही तसेच हजारो पशुपक्षींना या दिवशी दुखापत होणार नाही तरच खर्या अर्थाने मकरसंक्रांती साजरी होईल.
दिग्विजय माळी,पर्यावरण प्रेमी.
अध्यक्ष दिग्विजय प्रतिष्ठान, तळोदा.
