नेमसुशिल विद्यामंदिरातील विद्यार्थ्यांचे शिष्यवृत्ती परीक्षेत तालुकास्तरीय घवघवीत यश

तळोदा l प्रतिनिधी
शहरातील नेमसुशिल विद्यामंदिरातील विद्यार्थ्यांचे महाराष्ट्र राज्य परीक्षा परिषद पुणे यांच्यामार्फत घेण्यात येणारी प्राथमिक व पूर्व माध्यमिक शिष्यवृत्ती परीक्षेत विद्यामंदिरातील विद्यार्थ्यांनी तालुका स्तरावर शहरी भागात घवघवीत यश संपादन केले.
यात अनुक्रमे तालुकास्तर शहरी भागात प्रथम आर्यन संदिप चौधरी, द्वितीय युतीका प्रदीप पाटील, तृतीय युक्ती नरेश पाटील तर पंचम स्थानावर कृष्णा शरद मराठे या विद्यार्थ्यांनी घवघवीत यश संपादन केले. तालुका स्तरीय यश निवडीसाठी सर्वत्र ह्या विद्यार्थ्यांचे कौतुक होत आहे नुकतेच नेमसुशिल परिवारा- मार्फत यशस्वी विद्यार्थ्यांना यश निवडीबद्दल गौरविण्यात आले यावेळी नेमसुशिल प्राथमिक विद्यामंदिराच्या मुख्याध्यापिका श्रीमती पुष्पा बागुल, प्राचार्य सुनिल परदेशी, मुख्या.गणेश बेलेकर, प्रिन्सिपल पी.डी.शिंपी, वर्गशिक्षक अरुण कुवर, कमलेश पाटील, सागर मराठे, नितीन भामरे, प्रतिभा बैसाणे, दिपाली पाटील, योगिता शिंदे, आदींनी यशस्वी विद्यार्थ्यांना पुष्पगुच्छ देऊन सन्मानित केले.
सदरील विद्यार्थ्यांचे तालुका स्तरीय यश निवडी बद्दल संस्थेचे अध्यक्ष निखिलभाई तुरखिया, संचालिका सोनाभाभी तुरखिया, संस्था उपाध्यक्ष डी.एम. महाले, सचिव संजय पटेल, संस्था समनव्ययक हर्षिल तुरखिया,सर्व शिक्षक व शिक्षकेतर कर्मचारी व पालक यांनी कौतुक करत पुढिल वाटचालीस शुभेच्छा दिल्यात.