तळोदा l प्रतिनिधी
तळोदा तालुक्यातील बोरद – करणखेडा रस्त्यावरील एका शेतात सस्यांच्या शिकारीसाठी लावण्यात आलेल्या जाळ्यात बिबट्या अडकला.ही माहिती मिळताच परिसरातील नागरिकांनी या ठिकाणी तोबा गर्दी केली.
गेल्या महिन्याभरात बिबट्याच्या वास्तव्याने बोरद परिसर चांगलाच चर्चेत आला आहे.कारण काही दिवसांपूर्वी मोड येथे दोन बिबटे मृत अवस्थेत आढळले.तद्नंतर बोरद येथे शेतकरी पिकाची पाहणी करण्यासाठी गेले असता शेतकरी तथा रखवालदार यांना ही बिबट्याने दर्शन दिले या घटनेला आठवडाही होत नाही. तोवर बोरद येथील करणखेडा या रस्त्याला लागून असलेल्या शेतात बिबट्या सस्यांच्या शिकारीसाठी लावण्यात आलेल्या जाळ्यात अडकला आहे. याबाबत माहिती बोरद गावात कळताच बघणाऱ्यांची तोबा गर्दी त्या ठिकाणी जमली.घटनेचे गंभीर्य लक्ष्यात घेता बोरद येथील पंचायत समिती सदस्य विजय राणा,तसेच मंगेश पाटील व गावकऱ्यांनी त्या ठिकाणी धाव घेतली तसेच बिबट्याच असल्याची खात्री पटल्यानंतर लागलीच तळोदा येथे वनविभागाला कळविण्यात आले.वनविभागाने ही या घटनेची दखल घेत तातडीने आपली टिम याठिकाणी पाठवली यात आर.एफ.ओ.एन.जे.रोढे, ए. व्ही.लोहार वनपाल बोरद,व्ही. एस.माळी वनपाल राजविहिर,एम.पी.पाटील वनपाल राणीपूर, एस.ओ. नाईक वनरक्षक, आर.जे.शिरसाठ, बी.एस.जाधव,आर.एम. पावरा,व्ही.जे.पावरा, एल.टी. पावरा,दिपक जमदाळे वाहन चालक हे आहेत यांनी घटनेची पाहणी केली असता .जळगांव वनरक्षकांच्या टीम ला पाचारण केले आहे.
