म्हसावद l प्रतिनिधी
शहादा तालुक्यातील असूस येथे आत्मा अंतर्गत कौशल्य आधारित प्रशिक्षण कार्यक्रमांतर्गत विविध फळबागांची छाटणी करणे या विषयावर प्रगतशील शेतकरी गणेश गोविंद पाटील यांच्या शेतावरती प्रशिक्षण देण्यात आले .
प्रमुख पाहुणे म्हणून उपविभागीय कृषी अधिकारी तानाजी खर्डे तालुका कृषी अधिकारी किशोर हडपे कृषी महाविद्यालयाचे प्राध्यापक डॉ. सचिन चौधरी व जिजामाता पुरस्कार प्राप्त शेतकरी सुनिता रावताळे उपस्थित होते.
प्रास्ताविक तालुका कृषी अधिकारी किशोर हडपे यांनी केले फळबागेचे फळलागवड चे फायदे व कृषी विभागाचे विविध योजने बाबत सविस्तर माहिती दिली. सहाय्यक प्रा. डॉ. सचिन चौधरी यांनी फळ बागेची छाटणी कशी व केव्हा करावी, छाटणीचे फायदे याबाबत सविस्तर मार्गदर्शन केले. उपविभागीय कृषी अधिकारी तानाजी खर्डे यांनी एमआरजीएस अंतर्गत फळबाग लागवड माहिती दिली व इतर शेतकऱ्यांनी ही फळबागेकडे वळावे असे शेतकऱ्यांना आवाहन केले.
व प्रगतीशील शेतकरी गणेश गोविंद पाटील यांनी आपल्या फळबाग विषयी व विक्री व्यवस्थापनाबाबत , त्यांच्या फळबागेच्या उत्पन्नापासून झालेले फायदे व त्यांचे अनुभव शेतकऱ्यांना अनुभव सांगितले. शेवटी शासकीय नर्सरीचे गणपत पराडके यांनी पेरू व बोर बागेची छाटणीचे प्रात्यक्षिक करून दाखवले.सदर कार्यक्रमास तालुक्यातील फळबाग लागवड शेतकरी दारासिंग रावताळे, संजय ठाकरे, रतिलाल वारुळे मंगल सिंग पवार इत्यादी उपस्थित होते.
सूत्रसंचालन तालुका तंत्रज्ञान व्यवस्थापक रवींद्र बच्छाव यांनी केले व आभार प्रदर्शन कृषी सहाय्यक जितेंद्र भोई यांनी मानले. कार्यक्रमास कृषी सहाय्यक राकेश निकुम,जाकीर शेख , धनराज निकम ,संतोष वळवी, गौतम खेडकर ,कल्याण पवार, शितल सोनवणे आदी उपस्थित होते.
