नंदूरबार जिल्हयात आढळला कोरोना रुग्ण, दोन दिवसांपूर्वीच तळोदा तालुक्यातील तिघे कोरोनामुक्त

नंदूरबार l प्रतिनिधी
नंदूरबार जिल्हयात काल एकाचा अहवाल कोरोना पॉझिटीव्ह आढळला आहे.
आज नंदुरबार प्रशासनातर्फे 94 जणांच्या आरटीपीसीआर चाचणी करण्यात आली.त्याचा अहवाल रात्री उशिराने प्राप्त झाला.यात नंदूरबार शहरातील वामन नगर येथील एकाचा कोरोना अहवाल पॉझिटीव्ह आला आहे.दरम्यान दोन दिवसांपूर्वीच तळोदा तालुक्यातील तिघे कोरोणामुक्त झाल्याने त्यांना रुग्णालयातून डिस्चार्ज देण्यात आला होता. सध्या नंदूरबार जिल्ह्यातील नंदूरबार तालुक्यात २, नवापूर, शहादा व तळोदा तालुक्यात प्रत्येकी १ असे जिल्ह्यात ५ रुग्ण आहेत. जिल्ह्यात कोरोना रुग्ण वाढू नये यासाठी नागरिकांनी काळजी घ्यावी तसेच लसीकरण करून घ्यावे असे आवाहन प्रशासनाने केले आहे.