नंदूरबार l प्रतिनिधी
नंदुरबार येथील प्रसिद्ध उद्योजिका तथा झेप फाऊंडेशन आणि भारताच्या ग्लोबल वेलनेसच्या राजदूत ( Ambassodor ) डॉ . रेखा चौधरी लिखित “ इंडिया एन्शेंट लेगसी ऑफ वेलनेस ” ( निरोगीपणाचा भारतीय प्राचिन वारसा ) या पुस्तकाचे प्रकाशन महाराष्ट्राचे राज्यपाल भगतसिंग कोश्यारी यांच्या हस्ते करण्यात आले .
” जागतिक डिजिटल डिटॉक्स डे 2021 ” निमित्त आयोजित सोहळ्यात हे प्रकाशन पार पडले . याप्रसंगी राज्यपाल भगतसिंग कोश्यारी यांनी आदिवासी समाजावर पुस्तक लिहिल्याबद्दल डॉ . रेखा चौधरी यांचे अभिनंदन केले . चौकटीच्या बाहेर विचार केल्याबद्दलही त्यांचे कौतुक केले . जागतिक डिजिटल डिटॉक्स दिवसाची स्थापना ही पुन्हा एक अनोखी संकल्पना असून तंत्रज्ञानाचा अधिक सजगपणे वापर करण्यास प्रोत्साहित करून तंत्रज्ञान क्रांतीची आशा निर्माण केली आहे . रेखा चौधरी यांचा गावापासून ग्लोबल असा प्रवास पाहून मला अभिमान वाटतो ; असेही राज्यपाल म्हणाले .
पुरस्कार सोहळ्यानंतर राज्यपाल भगतसिंग कोश्यारी यांच्या हस्ते मान्यवरांना संबंधित क्षेत्रातील उत्कृष्ट कामगिरीबद्दल पुरस्कार प्रदान करण्यात आले . ते पुरस्कारप्राप्त असे . – स्मिता ठाकरे ( सामाजिक आणि मनोरंजन उद्योजक ऑफ द इयर ) , अर्चना नेवरेकर ( महाराष्ट्र सामाजिक कार्यकर्त्या , मराठी उद्योग ) , निशा जामवाल ( वर्षातील सर्वोत्कृष्ट ब्रँड सल्लागार ) , विकास मित्तल ( बिझनेस आयकॉन ऑफ द इयर ) , रितू दत्ता ( वर्षातील सर्वोत्कृष्ट सामाजिक व्यक्तिमत्व ) , आहना कुमरा ( वर्षातील फिट अभिनेत्री ) , पियुस जैस्वाल ( महिला सक्षमीकरणाचे बदल निर्माता ) , सिमरन आहुजा ( वर्षातील ) सर्वोत्कृष्ट AMCEE ) , स्मिता जयकर ( उत्तम आध्यात्मिक तज्ञ guru ) .
दरम्यान #DrRekhaChaudhari ट्विटर मोहिमेचे देखील दर्शकांनी खूप कौतुक केले आणि तिला टॉप 1 वर ट्रेंड करून सकारात्मक प्रतिसाद दिला . #DrRekha Chaudhari ट्विटर मोहिमेचे पंतप्रधान मोदी जी डिजिटल ट्विट टीमने देखील विशेष दखल घेतली आणि त्यांनी डॉ . रेखा चौधरी यांचे खास अभिनंदन केले .
