नंदूरबार l प्रतिनिधी
येथील स्मित हॉस्पिटल, विद्युत वितरण कंपनी मर्यादित आणि रोटरी क्लब ऑफ नंदनगरी यांच्या संयुक्त विद्यमाने विद्युत महावितरणच्या जिल्ह्यातील सर्व अधिकारी, कर्मचार्यांसाठी आरोग्य तपासणी शिबिराचे आयोजन करण्यात आले. कार्यक्रमाची सुरुवात धन्वंतरीचे पूजनाने झाली. या शिबिरात विद्युत वितरण कंपनीच्या सुमारे २०० कर्मचारी तसेच त्यांच्या परिवाराच्या सदस्यांनी आरोग्य तपासणी शिबिराचा लाभ घेतला.
कार्यक्रमास विद्युत महावितरण कंपनीचे अधिक्षक अभियंता संजय पाटील, कार्यकारी अभियंता खासने, सहा. अभियंता अक्षय मुने, शाखा अभियंता ए.टी.पाटील, श्रीमती राळेगावकर, रोटरी क्लब ऑफ नंदनगरीचे अध्यक्ष मनोज गायकवाड, सचिव अनिल शर्मा आदी उपस्थित होते. शिबिरात स्मित हॉस्पिटलच्या माध्यमातून मेडिसिन विभाग, जनरल सर्जरी विभाग, ऑर्थोपेडिक विभाग, गायनॅस्टीक विभाग, दंतचिकित्सा विभाग, आणि ऑफथेलमिक विभाग यांच्या माध्यमातून विद्युत वितरण कंपनीचे सुमारे २०० कर्मचारी तसेच त्यांच्या परिवाराच्या सदस्यांची आरोग्य तपासणी करुन त्यांना मार्गदर्शन करण्यात आले.
यावेळी विद्युत महावितरण कंपनीचे अधिक्षक अभियंता संजय पाटील म्हणाले की, एक अद्ययावत मल्टीस्पेशलिटी हॉस्पिटल नंदुरबार शहरात स्मितच्या माध्यमातून उपलब्ध झाले. स्मित हॉस्पीटलने कोरोना काळात केलेल्या कार्याचा गौरव केला. विद्युत वितरण कंपनीच्या कर्मचार्यांना अपघात समयी किंवा आरोग्याचा प्रश्न उद्भवल्यास मोठी समस्या निर्माण होत होती. परंतू स्मित हॉस्पिटलच्या माध्यमातून झालेली ही सोय आणि त्यातून उपलब्ध झालेल्या सेवा सुविधा अत्यंत मोलाच्या आहेत. यावेळी विद्युत वितरणच्यावतीने शशिकांत गुरव यांनी आपल्या मनोगतात सांगितले, कॅशलेस सुविधाच्या आम्हा कर्मचार्यांना कसा फायदा होईल, याचा स्वतः अनुभव घेतल्यानंतर स्मित हॉस्पिटलकडून मिळालेल्या सेवा सुविधांचा बद्दल त्यांनी समाधान व्यक्त केले. तसेच संदीप शिंपी म्हणाले की, वितरण कंपनीच्यादृष्टीने कर्मचार्यांच्या आरोग्याचा प्रश्न किती महत्त्वाचा आहे आणि त्यातून कॅशलेस सुविधा आज स्मित हॉस्पिटलच्या माध्यमातून उपलब्ध होत आहे, सर्व कर्मचार्यांसाठी ही एक आनंदाची बाब आहे. कार्यक्रमाचे प्रास्ताविक डॉ.गौरव तांबोळी यांनी केले. डॉ.विजय पाटील यांनी या शिबिरातून कोणत्या सुविधा पुरविल्या जाणार आहेत, याबाबत सविस्तर माहिती दिली. कार्यक्रमाचे सूत्रसंचालन किरण दाभाडे यांनी केले. तर आभार डॉ.अविनाश पाटील यांनी मानले. कार्यक्रमाच्या यशस्वीतेसाठी स्मित परिवारातील डॉ.रोहित पटेल, डॉ.कल्पेश चौधरी, निलेश तवर, शब्बीर मेमन, भरत पटेल, रोटरी परिवारातील इसराइल सय्यद, फकरोद्दीन जलगुनवाला आदींनी परिश्रम घेतले.
