नंदुरबार l प्रतिनिधी
धडगाव शहरातील वडफळ्या भागातील खचाडपाडा ते काकावाडी रस्त्यावर बेकायदेशीररित्या गांजा विक्रीसाठी असणाऱ्या एकाला पोलिसांची अटक करत त्याच्याकडून सुमारे १२ हजाराचा गांजा जप्त केला आहे.
याबाबत पोलिस सूत्रांनी दिलेल्या माहितीनूसार, धडगाव येथे वडफळ्या भागातील खचाडपाडा ते काकावाडी रस्त्यावर रामचंद्र जानिमल वळवी हा बेकायदेशीररित्या मनोव्यापारावर परिणाम करणारा गांजा विक्री करण्यासाठी पायी जात असतांना आढळून आला. पोलिसांनी त्याच्याकडून १२ हजार ४३२ रुपये किंमतीचा १ किलो ७७६ ग्रॅम वजनाचा गांजा जप्त केला. याबाबत पोशि.रितेश शांताराब बेलेकर यांच्या फिर्यादीवरुन धडगाव पोलिस ठाण्यात रामचंद्र जानिमल वळवी रा.वडफळ्या, ता.धडगाव याच्याविरोधात डीपीएस कायदा १९८५ चे कलम ८ (क), २० (ब), २ (ब) प्रमाणे गुन्हा दाखल करण्यात आला आहे. पुढील तपास पोलिस निरीक्षक जी.आर.औताडे करीत आहेत.
