ज्येष्ठ अभिनेते दिलीप कुमार यांचं आज दि.७ रोजी निधन झाले. सकाळी ७.३० वाजता हिंदूजा रुग्णालयात त्यांनी अखेरचा श्वास घेतला . वयाच्या ९८ व्या वर्षी त्यांची प्राणज्योत मावळली. अभिनेते दिलीप कुमार यांना प्रकृतीच्या कारणास्तव काही दिवसांपूर्वी हिदूजा रुग्णालयात दाखल करण्यात आले होतं . याआधी त्यांच्या प्रकृतीत सुधारणा झाल्यामुळे रुग्णालयातून डिस्चार्ज देण्यात आला होता . मात्र बुधवार दि.७ जुलै रोजी पहाटे त्यांचं निधन झालं . दिलीप कुमार यांना श्वसनाचा त्रास होत असल्याकारणाने जून महिन्यात रुग्णालयात दाखल करावं लागलं होतं . बायलॅटरल प्लुरल इफ्युजनमुळे त्यांना आयसीयूमध्ये हलवण्यात आलं होतं . यावेळी सायरा बानो यांनी दिलीप कुमार यांचा रुग्णालयातील फोटोदेखील शेअर करत त्यांची प्रकृती स्थिर असल्याची माहिती दिली होती . उपचारानंतर पाच दिवसांनी दिलीप कुमार यांना डिस्चार्ज देण्यात आला होता . दिलीप कुमार यांनी ‘ ज्वार भाटा ‘ या सिनेमातून १९४४ मध्ये सिनेसृष्टीत पदार्पण केलं होतं . सामान्य माणसाच्या आयुष्यातील दुःख दिलीप कुमार यांनी त्यांच्या अभिनयातून उतरवलं आणि पुढची अनेक वर्षे रसिकांच्या मनावर
अधिराज्य केले . बाबूल, दीदार ,आन, गंगा – जमुना, हादेवदास अशा कितीतरी सिनेमांची नावे घेता येतील . पाच दशकांपेक्षा अधिक बॉलिवूड करिअरमध्ये दिलीप कुमार यांनी मुघल – ए आजम , देवदास , नया दौर , राम और श्याम असे अनेक सुपरहिट चित्रपट दिले . १९९८ मध्ये आलेला ‘ किला ‘ हा त्यांचा शेवटचा चित्रपट ठरला .
