नवापूर शहरात पिसाळलेल्या घोड्याने चांगलाच धुमाकूळ घातला आहे.दिवसभरात चार ते पाच लोकांना त्याने चावा घेतल्याची घटना घडली आहे.अखेर पालिकेच्या आरोग्य कर्मचार्‍यांनी या घोड्याला पकडल्याने नागरिकांनी सुटकेचा निश्‍वास सोडला.
सविस्तर वृत्त असे की नवापूर शहरात पिसाळलेला घोड्यांन मोठा धुमाकूळ घातला आहे शहरातील मुख्य रस्त्यांवरून फेरफटका मारत असणार्‍यांना हा पिसाळलेला घोडा चावा घेत आहे. यामुळे शहरातील नागरिक भयभीत झाले होते.नवापूर शहरातील मंगलदास पार्क जनता पार्क, मेन रोड,शेपाली पार्क या परिसरात हा घोडा फिरताना आढळून आला ,या घोड्याला पिसाळलेल्या कुत्र्याने चावा घेतल्याचा अंदाज व्यक्त केला जात आहे,त्यामुळेच हा घोडा पिसाळला असून नागरिकांचा चावा घेत आहे,या पिसाळलेल्या घोड्यांना नवापूर शहरातील अनेक नागरिकांचा चावा घेतला असून यामुळे कॉलनी परिसरातील नागरिक भयभीत झाले होते. नगरपालिकेचे आरोग्य कर्मचारी या घोड्याला पकडण्यासाठी गावात फिरत होते.अखेर त्याला नवापूर शहरातील आदर्श नगर येथे फारुख शहा यांच्या कार्यकर्त्यांनी व नगरपालिकेच्या आरोग्य कर्मचार्‍यांनी पकडले असून पशुवैद्यकीय दवाखाना त्या पिसाळलेल्या घोड्याला उपचारासाठी दाखल करण्यात आल आहे.
