नंदुरबार l प्रतिनिधी-
महाराष्ट्राचे मुख्यमंत्री देवेंद्र फडणवीस यांची शिरपूर येथे संसद रत्न डॉ. हिना गावित यांनी भेट घेतली त्यावेळी नंदुरबार जिल्ह्यातील विविध विकास कामांच्या अनुषंगाने मुख्यमंत्री देवेंद्र फडणवीस यांनी माहिती जाणून घेतली.
मुख्यमंत्री देवेंद्र फडणवीस यांच्या हस्ते शनिवारी शिरपूर येथे स्व. तपनभाई पटेल मेमोरिअल हॉस्पिटलचे तसेच श्री विलेपार्ले केळवणी मंडळ संचलित विविध शैक्षणिक संस्था आणि औद्योगिक उपक्रमांचे उद्घाटन व भूमिपूजन पार पडले. दरम्यान शिरपूर येथील विविध विकासकामांच्या व संस्थांच्या उद्घाटन प्रसंगात डॉ. हिना गावित या प्रमुख पदाधिकाऱ्यांसमवेत व्यासपीठावर उपस्थित राहिल्या. त्यावेळी डॉक्टर हिना गावित यांना स्वतंत्र वेळ देऊन फडणवीस यांनी संवाद साधला. जिल्ह्यातील विविध विकासकामे त्यातील अडचणी आणि नियोजित विकास संकल्पना जाणून घेतल्या तसेच आपण याची योग्य दखल घेणार असून लवकरच सर्व प्रश्न मार्गी लावले जातील असे आश्वासन त्यांनी दिले.
