नंदुरबार l प्रतिनिधी
येत्या 4 जूलै रोजी प्रदेशाध्यक्ष खा. सुनिल तटकरे हे नंदुरबार जिल्हा दौऱ्यावर येत आहेत. यासाठी नवापूर तालुक्यातील जास्तीत जास्त पदाधिकारी, कार्यकर्त्यांनी नियोजित मेळाव्याला उपस्थित रहावे असे आवाहन राष्ट्रवादी काँग्रेस पार्टीचे जिल्हाध्यक्ष डॉ अभिजित मोरे यांनी नवापूर येथे आयोजित आढावा बैठकीत केले.
नवापूर मध्ये राष्ट्रवादी काँग्रेसची ताकद मोठी आहे. यापुर्वी अनेक कलाकार होते. हे सर्व कलाकार आता बदलले असून दिग्दर्शक मात्र अजीतदादा पवार हेच आहेत हे कार्यकर्त्यांनी लक्षात ठेवावे. आगामी स्थानिक स्वराज्य संस्थेच्या निवडणूका हया भरत गावित यांच्या नेतृत्वाखालीच होणार असून जि प मध्ये राष्ट्रवादी काँग्रेसचाच झेंडा फडकणार, असे प्रतिपादन राष्ट्रवादी काँग्रेस पार्टीचे जिल्हाध्यक्ष डॉ अभिजित मोरे यांनी केले.
नवापूर येथील शासकीय विश्राम गृहावर आयोजित बैठकीत ते बोलत होते. यावेळी राष्ट्रवादी काँग्रेस चे ज्येष्ठ भरत गावित, जिल्हा सरचिटणीस मधूकर पाटील, राष्ट्रवादी युवक काँग्रेसचे जिल्हाध्यक्ष सिताराम पावरा, जिल्हाउपाध्यक्ष नरेंद्र नगराळे, शहराध्यक्ष शरद पाटील आदी मान्यवर उपस्थित होते.
दिलीप आरजू गावित यांनी कार्यक्रमाचे सुत्रसंचालन केले. यावेळी विविध नियुक्ती पत्रांचे वाटप करण्यात आले. विश्राम गृहावर मोठया संख्येने गर्दी होती. स्थानिक स्वराज्य संस्थांच्या निवडणूकांमध्ये नवापूर तालुक्यात आघाडी घेवू असा विश्वास पदाधिकाऱ्यांनी व्यक्त केला. तसेच प्रदेशाध्यक्ष सुनिल तटकरे यांच्या नियोजित मेळाव्यात नवापूर तालुक्यातील जास्तीत जास्त कार्यक्र्ते, पदाधिकारी उपस्थित राहतील, असा विश्वास व्यक्त करण्यात आला. यावेळी विविध कार्यकारिणीची यादी सुपुर्द करण्यात आली.
