जागतिक तंबाखूविरोधी दिनानिमित्त नवनिर्माण संस्थेमार्फत जनजागृती
नंदुरबार l प्रतिनिधी
नवनिर्माण संस्था जिल्ह्यात तंबाखू मुक्त शाळा परिसर अभियान राबवित आहे . 31 मे जागतिक तंबाखू विरोधी दिवस नवनिर्माण संस्थेच्या कार्यालयात साजरा करण्यात आला.
यावेळी कार्यकर्त्यांना तंबाखूच्या दुष्परिणामाविषयी संस्थेचे अध्यक्ष रवी गोसावी यांनी माहिती दिली. कार्यक्रमात नवनिर्माण संस्थेचे तालुका समन्वयक उपस्थित होते.
तंबाखू सेवनामुळे कर्करोगासह अन्य आरोग्यविषयक समस्या उद्भवतात, ही बाब सर्वश्रुत आहे. तंबाखू, सुगंधित तंबाखू विकेल्या कंपन्यांकडून तंबाखूजन्य पदार्थांच्या वेष्टणावर तसा संदेशही लिहिलेला असतो. चित्रस्वरूपात कर्करोगाची लक्षणेमुद्धा असतात; परंतु तंबाखू सेवनाचे प्रमाण कमी झालेले नाही. शासनाने सुगंधित तंबाखू व तंबाखूजन्य पदार्थांवर विक्रीवर बंदी घातलेली आहे. त्यानंतर गाव खेड्यात सुगंधित तंबाखूचा पुरवठा केला जातो. विद्यार्थ्यांनी तंबाखू सारखे पदार्थ खाऊन रोग लावून घेण्यापेक्षा प्रतिकारशक्ती वाढेल असे जीवनसत्व असलेले पदार्थ खावेत असा सल्ला रवी गोसावी यांनी दिला.
“तंबाखूजन्य पदार्थ आरोग्यासाठी हानीकारक असल्याबाचत आम्ही शाळा, महाविद्यालयात जागृती करीत आहोत, तंबाखूमुळे कर्करोगासह अन्य दुर्धर व्याधी होतात. त्यामुळे सेवन करू नये.”
रवी गोसावी
संचालक, नवनिर्माण संस्था नंदुरबार
