नगर पालिकेमार्फत महिलांसाठी स्वतंत्र असे अद्ययावत मा बेटी उद्यान बनविण्यात आले असून यापूर्वी महिलांसाठी जिम देखील सुरू करण्यात आले असल्याची माहिती साक्री येथील आमदार मंजुळाताई गावित यांनी उद्यानाच्या शुभारंभ प्रसंगी दिली
नंदुरबार येथील नगरपालिकेतर्फे नव्याने बनविण्यात आलेल्या मासाहेब मीनाताई ठाकरे माँ बेटीउद्यानाचे उद्घाटन दसऱ्याच्या शुभमुहूर्तावर साक्री चे आमदार मंजुळाताई गावित यांच्या हस्ते करण्यात आले अध्यक्षस्थानी जिल्हा परिषदेच्या अध्यक्षाॲड. सीमा वळवी होत्या
यावेळी नवापूर नगरपालिकेचे नगराध्यक्ष हेमलता पाटील, नगराध्यक्ष रत्ना रघुवंशी, जिजामाता शिक्षण संस्थेचे अध्यक्ष तथा नगरसेविका शोभाताई मोरे ,इंदिरा महिला बँकेचे चेअरमन कविता रघुवंशी यांची प्रमुख उपस्थिती होती
उद्यानाचे उद्घाटन फीत कापून मान्यवरांनी केले यावेळी स्वर्गीय मीनाताई ठाकरे यांच्या दर्शनी भागात असलेल्या पुतळ्याला पुष्प अर्पण करण्यात आले. उद्यानात असलेल्या ओपन जिम साहित्याचे देखील विविध मान्यवरांच्या हस्ते उद्घाटन करण्यात आले
यावेळी आमदार मंजुळाताई गावित पुढे म्हणाल्या की या उद्यानात महिलांसोबत बारा वर्षातील मुले देखील येऊ शकतील त्यामुळे महिलांना मनमुराद असा आनंद लुटता येईल याठिकाणी देशातील विविध थोर अशा महिलांचे पुतळे बसविण्यात आले आहे ते देखील प्रेरणादायक आहे पालिकेने महिलांसाठी विविध उपक्रम राबविले असून यापुढे महिलांसाठी स्वतंत्र हॉस्पिटल देखील बनविण्यात यावे असा मानस त्यांनी व्यक्त केला.
यावेळी जि प अध्यक्ष सीमा वळवी यांनी सांगितले की या ठिकाणी येऊन नैसर्गिक वातावरणामुळे पर्यटन स्थळात आल्यासारखे वाटते महिला ज्यावेळेस आपल्या सुख दुःखात उद्यानात येतील तेव्हा सुखात आनंद घेऊ शकतील तर दुखात असताना येथे असलेल्या विविध क्षेत्रात कामगिरी केलेल्या महिलांच्या पुतळ्यां मुळे त्यांना प्रेरणा मिळेल महिलांसाठी त्यामुळे इथे प्रेरणादायी व आनंददायी असे वातावरण निर्माण होईल असे त्यांनी सांगितले तसेच नगराध्यक्षा हेमलता पाटील यांनी देखील मनोगत व्यक्त केले.
यावेळी शिक्षण सभापती नंदा जाधव, महिला बालकल्याण सभापती भावना गुरव , माजी उपनगराध्यक्ष भारती राजपूत, सोनिया राजपूत, मनीषा वळवी ,ज्योती पाटील, आशा बालानी, जागृती सोनार, हर्षा बाफना ,शकुंतला माळी, सुरेखा मराठे सारिका पाटील यांच्यासह बांधकाम सभापती प्रमोद शेवाळे, पाणीपुरवठा सभापती कैलास पाटील, माजी नगराध्यक्ष कुणाल वसावे, मुख्याधिकारी राजेंद्र शिंदे हे उपस्थित होते. कार्यक्रमाला परिसरातील महिला उपस्थित होत्या.
