नंदुरबार l प्रतिनिधी-
गेल्या काही वर्षापासून उध्दव बाळासाहेब ठाकरे शिवसेना गटात युवा व युवती सेनेचे कार्य मालती वळवी ह्या करीत आल्या आहेत. परंतु आता वैयक्तिक कारणास्तव शिवसेना युवा सेनेच्या महाराष्ट्र राज्य सहसचिव पदाचा राजीनामा मालती वळवी यांना दिला आहे.
याबाबत युवा सेना प्रमुख तथा शिवसेना नेते आ.आदित्य ठाकरे यांच्याकडे राजीनामा पत्र पाठविले आहे. त्यात म्हटले आहे की, वैयक्तिक कारणास्तव उध्दव बाळासाहेब ठाकरे शिवसेना युवती सेनेच्या सदस्यत्वाचा राजीनामा देत आहे. युवा सेना महाराष्ट्र राज्य सहसचिव पदाचा राजीनामा मालती वळवी यांना दिला आहे.
गेल्या अनेक वर्षापासून मालती वळवी ह्या शिवसेनेच्या युवा व युवती सेनेचे कार्य करीत आहेत. युवती सेनेचे जिल्हाध्यक्षपदी असतांना मालती वळवी यांनी युवतींचे संघटन करुन गाव तेथे युवती शाखा संघटीत केल्या. त्यानंतर युवा सेनेचे महाराष्ट्र राज्य सहसचिव पदावर असतांना त्यांनी युवा सेनेचे संघटन मजबुत केले. मात्र आता वैयक्तिक कारणास्तव मालती वळवी यांनी युवा सेनेच्या महाराष्ट्र राज्य सहसचिव पदाचा राजीनामा दिला आहे.
