नंदूरबार l प्रतिनिधी
अवैध दारु वाहतूक करणा-या वाहनास नाकाबंदी दरम्यान पकडून शहादा पोलीसांनी 33 लाख 60 हजार रुपये किमतीची बनावट दारु जप्त केली.
अधिक माहिती अशी की, 10 एप्रिल 2024 रोजी शहादा येथील शहादा- दोंडाईचा रोडवरील संविधान चौक येथे नाकाबंदी दरम्यान पोउपनि-छगन चव्हाण व स्टाफ अशांना दोंडाईचा कडून शहादयाचे दिशेने एक पांढ-या रंगाची टाटा कंपनीचे वाहन दिसले, सदर वाहन थांबवून त्यास चेक केले असता, वाहन चालकास नाव गाव विचारले असता त्याने त्याचे नाव अज्जू खान रशिद खान रा.खडकपाणी ता. कसरावद जि. खरगोन राज्य मध्यप्रदेश असे सांगुन क्लीनर नाव मोहम्मद मेहफूज मोहम्मद लियाकत शहा रा. पनाह नगर, बुराई, मिया कापूरवा ता. कुंडा प्रतापगड जि. प्रतापगड राज्य – उत्तरप्रदेश असे सांगितले.
त्यांना सदरचे वाहनातील मालाबाबत विचारपूस करता त्यांनी पोलीसांना चुकीची माहिती दिली. त्यावरुन संशय आल्याने संबंधित वाहनास चेक केले असता त्यामध्ये एकूण 33 लाख 60 हजार रुपये किमतीचा अवैध बनावट दारुचा माल त्यात एकूण 500 बॉक्स असे मिळून आले आहेत.
सदरचा माल हा चालक अज्जू रशिद खान व क्लीनर मोहम्मद महेफूज मोहम्मद लियाकत शहा यांनी अहमदनगर येथील व्यक्तींकडून गाडीसह ताब्यात घेतला असल्याचे सांगितले. व सदरचा माल एका अज्ञात व्यक्तीला (नाव गाव माहित नाही) देण्यात येणार होता बाबत कळवित आहेत. तरी सदरचा अवैध बनावट दारुचा साठा कायदेशीर प्रक्रीया करुन जप्त केला असुन आरोपींना ताब्यात घेतले आहे. ताब्यात घेण्यात आलेल्या आरोपीतांकडुन एकुण 500 खोके असा एकुण 33 लाख 60 हजार रुपये किमतीची बनावट दारु अवैधरित्या बाळगून त्याची चोरटी वाहतूक करत असतांना त्यांच्या मूसक्या आवळल्या. तसेच सदर आरोपींकडून दारुची चोरटी वाहतूक करण्यासाठी वापरण्यात आलेले वाहन देखील जप्त करण्यात आले आहेत.
व पुढील अधिक तपास सुरू आहे. सदरची कारवाई नंदुरबार जिल्ह्याचे पोलीस अधीक्षक श्रवण दत्त एस., अपर पोलीस अधीक्षक निलेश तांबे, शहादा विभागाचे उप विभागीय पोलीस अधिकारी दत्ता पवार यांचे मार्गदर्शनाखाली शहादा पोलीस ठाण्याचे पोलीस निरीक्षक शिवाजी बुधवंत, पोउपनि छगन चव्हाण, पोशी-दिनकर चव्हाण, पोशि- अनमोल राठोड, पोशि- मुकेश राठोड, पोशि- विकास शिरसाठ, पोशि- राकेश मोरे असे शहादा पोलीस ठाण्याचे पथकाने केली आहे.