नंदुरबार l प्रतिनिधी
नंदुरबार जिल्हा उध्दव बाळासाहेब ठाकरे शिवसेना गट युवा-युवती सेनेच्या वतीने जागतिक महिला दिनानिमित्त शहरात साफसफाई करणार्‍या कामगार महिलेचा सत्कार करण्यात आला.
युवासेना प्रमुख आदित्य ठाकरे यांच्या आदेशानुसार युवा सेना सचिव वरुण देसाई यांच्या मार्गदर्शनाखाली आणि शिवसेना उपनेते तथा युवासेना कार्यकारीणी सिनेट सदस्य शितल देवरुखकर यांच्या संकल्पनेतुन जागतिक महिला दिन कार्यक्रम घेण्यात आला.
नंदुरबार येथे युवा-युवती सेनेच्या महाराष्ट्र राज्य सहसचिव मालती वळवी यांनी जागतिक महिला दिनानिमित्त कामगार महिलांचा सत्कार कार्यक्रम घेतला. नंदुरबार शहरात साफसफाई कामे करणार्‍या महिला सफाई कामगारांना स्कार्फ व पाण्याची बॉटल देऊन जागतिक महिला दिनी अनोख्या पध्दतीने सत्कार करण्यात आला.
नंदुरबार नगरपरिषदेच्या हद्दीत सदर महिला कामगार ह्या साफसफाई करुन आपल्या कामाचे कर्तव्य बजवितात. म्हणुन युवा-युवती सेनेच्या राज्य सहसचिव मालती वळवी यांनी सफाई कामगार महिलांचा सत्कार केला. याप्रसंगी युवती सेनेच्या जिल्हा अधिकारी प्रियंका पाडवी, युवा सेनेचे जिल्हा अधिकारी अर्जुन मराठे, शिवसेनेचे महानगर प्रमुख पंडित माळी, गावित, इम्तियाज पटेल, युवती सेना उपजिल्हाप्रमुख सुनिताबाई वळवी, नंदुरबार तालुकाप्रमुख भारती ठाकरे आदी उपस्थित होते.
