नंदुरबार l प्रतिनिधी
नंदुरबार शहरातील नाट्यमंदिर परिसरातील डोम मध्ये नंदुरबार नगरपालिका अंतर्गत विकसित भारत संकल्प यात्रेचा उद्घाटन राज्याचे आदिवासी विकासमंत्री डॉ विजयकुमार गावित यांच्या हस्ते करण्यात आले.
या कार्यक्रमाला माजी नगराध्यक्ष सौ रत्ना रघुवंशी, माजी उपनगराध्यक्ष कुणाल वसावे, माजी नगरसेवक आनंद माळी, माजी नगरसेवक भारती राजपूत, माजी नगरसेवक सोनिया राजपूत, माजी नगरसेवक प्रशांत चौधरी, माजी नगरसेवक मोहन खानवाणी, सामाजिक कार्यकर्ते लक्ष्मण माळी, भाजपा तालुका अध्यक्ष जितेंद्र पाटील, सामाजिक कार्यकर्ता सविता जयस्वाल, सामाजिक कार्यकर्ता अर्जुन मराठे, सामाजिक कार्यकर्ता चेतन वळवी मुख्याधिकारी अमोल बागुल, लेखा अधिकारी वैशाली जगताप आदि उपस्थित होते.
विकसित भारत संकल्प यात्रेचे उद्दिष्ट राज्याच्या आदिवासी विकासमंत्री डॉ विजयकुमार गावित यांनी या रथाच्या उद्घाटन प्रसंगी सांगितले त्यांनी सांगितले की, पंतप्रधान नरेंद्र मोदी यांच्या संकल्पनेतून विकसित भारत संकल्प यात्रा सुरू करण्यात आले असून या यात्रेचा उद्दिष्ट आहे की नागरिकांना केंद्र सरकार व राज्य सरकारच्या विविध योजनांची माहिती मिळावी म्हणून आयोजन केली असल्याची माहिती दिली यावेळी प्रधानमंत्री आवास योजना अंतर्गत लाभार्थ्यांना घरकुलांची चावी प्रदान करण्यात आली.
