नंदुरबार l प्रतिनिधी
नंदुरबार जिल्ह्याचे नवनियुक्त पोलीस अधीक्षक श्रवण दत्त. एस यांच्या मार्गदर्शनाखाली जिल्हा पोलीस दलाकडून ऑपरेशन ऑल आऊट राबवित नाकाबंदी करीत कारवाई करण्यात आली.जिल्हयात अवैध बेकायदेशीर धंदयांविषयी कुठल्याही प्रकारची माहीती सामान्य नागरिकांना अवगत असल्यास त्यांनी 9849065629 या मोबाईल क्रमांकावर तात्काळ कळवावे असे आवाहनही पोलीस अधीक्षक श्रवण दत्त. एस यांनी केले आहे.
नंदुरबार जिल्ह्याच्या पोलीस अधीक्षक श्रवण दत्त. एस. यांची नुकतीच नियुक्ती झाली आहे.पोलीस अधीक्षक यांच्या नियुक्तीला अवैध धंदा वाल्यांचे धाबे दणाणले आहे. त्यांनी पदभार घेताच जिल्ह्यातील अवैध धंदे बंद करण्यात आले आहे.दरम्यान नंदुरबार जिल्हा पोलीस अधीक्षक श्रवण दत्त. एस यांच्या मार्गदर्शनाखाली नंदुरबार जिल्हा पोलीस दलातर्फे 3 जानेवारी सायंकाळी 8 ते 6 जानेवारी चे सकाळी 6 वा. दरम्यान जिल्ह्यात ऑपरेशन ऑल आऊट / कोंबींग / नाकाबंदी राबविण्यात आली.
जिल्ह्यातील सर्व पोलीस ठाणे हद्दीत ऑपरेशन ऑल आऊट राबविणेबाबत नियोजन केले होते. सदर ऑपरेशन ऑल आऊट दरम्यान अवैध धंदयांविरुध्द तसेच पोलीस ठाणे अभिलेखावरील सराईत गुन्हेगार, स्टॅडींग वॉरंट, फरार, पाहिजे आरोपी तसेच बेलेबल व नॉन बेलेबल वॉरंट बजावणी या बाबींवर कडक कायदेशीर कारवाई करण्याबाबतच्या सुचना पोलीस अधीक्षक, नंदुरबार यांनी केले होते.त्यानुसार 3 दिवसाचे ऑपरेशन ऑल आऊट दरम्यान संपूर्ण जिल्हयात पोलीस ठाणे तसेच स्थानिक गुन्हे अन्वेषण शाखेचे तीन दिवसात महाराष्ट्र जुगार प्रतिबंध अधिनियमांतर्गत अवैध जुगाराचे विरुध्द 33 कारवाया करण्यात आल्या असुन त्यामध्ये एकुण 72 हजार 680 रु. किमतीचा मुद्देमाल जप्त करण्यात आला आहे.तसेच महाराष्ट्र दारुबंदी अधिनियमांतर्गत अवैधरित्या दारुची विक्री व वाहतुक करणा-यांविरुध्द 61 कारवाया करण्यात आले असुन त्यामध्ये एकुण 11 लाख 1 हजार 270 रु. किमतीचा मुद्देमाल जप्त करण्यात आला आहे. पाहिजे फरार व स्टॅण्डींग वॉरंट आरोपींपैकी एकुण 29 इसमांना अटक करण्यात आली आहे.
बेलेबल व नॉन बेलेबल वॉरंट असे एकुण 124 बजावणी करण्यात यश मिळाले आहे.
अवैधरित्या घरगुती गॅस सिलेंडर हे वाहनांमध्ये गॅस भरणेकामी वापरणा-यांविरुध्द जिवनाश्यक वस्तु कायदयान्वये कारवाई करुन 2 लाख 13 हजार रु.किमतीचा मुद्देमाल जप्त करुन आरोपींविरुध्द कायदेशीर कारवाई करण्यात आली आहे.
तसेच यापुढेदेखील अवैध धंदयांवर जिल्हयात वेळोवेळी कडक कारवाई करण्याचे पोलीस अधीक्षक श्रवण दत्त. एस यांनी संपुर्ण जिल्हा पोलीस दलास सक्त सुचना दिल्या आहेत.
अवैध बेकायदेशीर धंदयांविषयी कुठल्याही प्रकारची माहीती सामान्य नागरिकांना अवगत असल्यास त्यांनी मो.क्र. 9849065629 या क्रमांकावर तात्काळ कळवावे, आपली ओळख माहिती गोपनीय ठेवण्यात येईल, असे जिल्हा पोलीस अधीक्षक श्रवण दत्त, एस यांनी नंदुरबार जिल्हावासियांना आवाहन केले आहे.
