नंदुरबार l प्रतिनिधी
शहरातील मंगळ बाजार परिसरातील कालभैरव मंदिर येथे कालभैरव जयंती निमित्त मंगळवारी सायंकाळी महाआरतीसह विविध धार्मिक उपक्रम व महाप्रसादाचे आयोजन करण्यात आले होते.
प्रति वर्षाप्रमाणे यंदाही शहरातील मंगळ बाजार परिसरातील जागृत कालभैरव मंदिर येथे कालभैरव जयंती निमित्त मंगळवार दि. 5 डिसेंबर रोजी सायंकाळी सात वाजता महाआरती करण्यात आली. त्यानंतर महाप्रसादाचे वाटप करण्यात आले.
यावेळी भाविकांनी दर्शनाचा व महाप्रसादाचा लाभ घेतला. वांग्याचे भरीत आणि बाजरीच्या भाकरीचा प्रसाद ग्रहण करण्यासाठी मंदिर परिसरात भाविकांनी मोठ्या प्रमाणावर गर्दी केली होती. याबाबत जय मराठे यांनी मंदिराच्या उपक्रमा संदर्भात माहिती दिली.
महाप्रसाद वितरण करण्यासाठी श्री कालभैरव मंदिर आयोजन समिती आणि मंगळ बाजार व मराठा गल्ली परिसरातील युवकांनी परिश्रम घेतले.
