शहादा l प्रतिनिधी
पूज्य साने गुरुजी विद्या प्रसारक मंडळाच्या कला, विज्ञान व वाणिज्य कनिष्ठ महाविद्यालयात संस्थापक अध्यक्ष शिक्षण व सहकारमहर्षी स्वर्गीय अण्णासाहेबांच्या शतक जयंती महोत्सवा निमित्ताने सांस्कृतिक कार्यक्रम संपन्न झाला.यावेळी विद्यार्थ्यांनी विविध कला गुणांचे सादरीकरण केले.
मंगळाचे संस्थापक अध्यक्ष स्वर्गीय अण्णासाहेब पी.के. पाटील यांच्या शतक जयंती महोत्सवानिमित्त महात्मा गांधी सभागृहात आयोजित करण्यात आलेल्या कार्यक्रमात फटाके मुक्त दिवाळी साजरी करण्या संदर्भात विद्यार्थ्यांनी संकल्प केला.आपल्या अभिनयाच्या माध्यमातून पर्यावरण संवर्धनासाठी जागृती केली.
आदिवासी नृत्य, एकांकिका, गीतगायन ,समूहनृत्याचे सादरीकरण करण्यात आले. आनंददायी अध्यापना सोबतच विद्यार्थ्यांच्या कलागुणांना वाव मिळावा या हेतूने “दीपोत्सव” साजरा करण्यात आला. कार्यक्रमात विद्यार्थ्यांनी उत्स्फूर्त प्रतिसाद दिला प्रास्ताविकात उपप्राचार्य प्रा.कल्पना पटेल यांनी विद्यार्थी हा महाविद्यालयाच्या केंद्रबिंदू आहे .
नियमित अभ्यासासोबत त्यांच्यामधील अभिव्यक्तीच्या देखील विकास झाला पाहिजे. कलागुणांना वाव मिळावा, म्हणून आजचे व्यासपीठ उपलब्ध केले आहे. उद्घाटन समारंभ कार्यक्रमाचे अध्यक्ष प्राचार्य डॉ. आर एस.पाटील होते.यावेळी उपप्राचार्य डॉ. एम. के. पटेल डॉ. एस.डी. सिंदखेडकर, कनिष्ठ महाविद्यालयाचे पर्यवेक्षक प्रा.के.एच.नागेश प्रा.व्ही. सी. डोळे प्रा.अरविंद पाटील प्रा.ए.पी.पाटील यांच्या सह महाविद्यालयाचे सर्व प्राध्यापक बंधू – भगिनी उपस्थित होते. कार्यक्रमाचे सूत्रसंचालन प्रा .मनोज चौधरी यांनी केले.आभार प्रा.स्वप्निल जैन यांनी मानले.
