नंदूरबार l प्रतिनिधी
दुय्यम निरीक्षक, राज्य उत्पादन शुल्क, अ- विभाग नंदुरबार यांच्या पथकाने विसरवाडी- साक्री रस्त्यावर हॉटेल अॅपलच्या बाजुला तिडासर शिवार ता. नवापूर येथे अवैधपणे परराज्यातील मदयाची वाहतुक करतांना आयशर वाहनासह 20 लाख 10 हजार रुपये किंमतीचा मुद्देमाल केला जप्त.
मिळालेल्या गुप्त बातमीनुसार विसरवाडी साक्री रस्त्यानजीक हॉटेल अॅपलच्या बाजुला असलेल्या मोकळया जागेत तिडासर ता. नवापूर येथे टाटा कंपनीची सहाचाकी वाहन ( क्र.एम.एच-14- सी.पी. 4028) असे उभे असल्याबाबत माहीती मिळाली. सदर वाहनाची तपासणी केली असता सदर वाहनामध्ये रॉयल स्पेशल प्रिमीअम व्हिस्की 180 मि.ली. क्षमतेच्या 27 बॉक्स, इंमपेरील ब्लु व्हिस्की 180 मि.ली. 31 बॉक्स ऑल सिजन व्हिस्की 750 मि.ली. व 180 मि.ली. 41 बॉक्स, टयुबर्ग बियर 500 मि.ली. 15 बॉक्स, किंगफिशर बियर 500 मि.ली. 7 बॉक्स, रॉयल चॅलेज व्हिस्की 750 मि.ली व 180 मि.ली. 20 बॉक्स व विविध ब्रन्डचे असे एकुण 150 बॉक्स आढलून आले.
सदर वाहनातील चालक व साथीदार यांनी अंधाराचा फायदा घेत वाहन सोडुन पळ काढला. सदर कारवाईत वाहनासह एकुण 20 लाख 10 हजार रुपयाचा मुद्देमाल जप्त करण्यात आला. सदर गुन्हयात दिपक कालीया रा. सिल्वासा, तारकनाथ उर्फ सुरेश भवानीप्रसाद सिंग, गाडी चालक व मालक फरार आहे. सदर कारवाई महाराष्ट्र दारुबंदी कायदा 1949 अंतर्गत कलम 65(अ)(ई),80,81,83,98 (2), 108 अन्वये करण्यात आली.
सदरची कार्यवाही दुय्यम निरीक्षक, राज्य उत्पादन शुल्क अ विभाग नंदुरबार प्रशांत एस पाटील,निरीक्षक डी. एम. चकोर, बी.एस. महाडीक दुय्यम निरीक्षक पी. जी. मेहता, जवान सर्वश्री मोहन पवार, हंसराज चौधरी, भुषण चौधरी, अजय रायते वा. चालक मानसिंग पाडवी यांनी केली. सदर कारवाईस सहायक पोलीस निरीक्षक प्रकाश वानखेडे, पो.हे.कॉ. राजु कोकणी, पो. ना. अनिल राठोड, पो. शि. लीनेश पाडवी विसरवाडी पोलीस स्टेशन यांनी सहकार्य केले. सदर गुन्ह्याचा पुढील तपास दुय्यम निरीक्षक प्रशांत एस. पाटील करीत आहेत.
