नंदुरबार l प्रतिनिधी
शहरातील बालवीर चौक, नवा भोईवाडा परिसरातील शहिद शिरीषकुमार मित्र मंडळातर्फे गणेशोत्सवानिमित्त आयोजित दंत तपासणी शिबिरास उत्स्फूर्त प्रतिसाद मिळाला.
स्मित हॉस्पिटलच्या संचालिकाा डॉ. तेजल चौधरी यांच्या हस्ते दंत तपासणी शिबिराचे उद्घाटन करण्यात आले. याप्रसंगी शहिद शिरीषकुमार मित्र मंडळाचे संस्थापक अध्यक्ष महादू हिरणवाळे यांनी प्रास्ताविकात मंडळाच्या विविध सामाजिक उपक्रमांची माहिती दिली.
नंतर तपासणी शिबिराप्रसंगी मंडळाचे जेष्ठ सल्लागार निवृत्त शिक्षक जी.एस. गवळी, प्रकाश घुगरे,कार्याध्यक्ष संभाजी हिरणवाळे, गोपाल हिरणवाळे,धीरेन गवळी, महेंद्र कुंभार, विशाल हिरणवाळे, विनोद चौधरी उपस्थित होते.बालवीर चौक, नवा भोईवाडा, गवळीवाडा, नवनाथ नगर भागातील महिला तसेच शालेय विद्यार्थ्यांची दंत तपासणी करण्यात आली.याप्रसंगी डॉ. तेजल चौधरी यांना जागृती देशमुख आणि समीरा वळवी यांनी सहकार्य केले.