नंदुरबार l प्रतिनिधी
नंदूरबार शहरातील गांधीनगरजवळ दुचाकी व ट्रकमध्ये धडक झाल्याने घडलेल्या अपघातात दुचाकीस्वार गंभीर जखमी झाल्याची घटना घडली आहे.
पोलीस सूत्रांनी दिलेल्या माहितीनुसार, नंदुरबार- दोंडाईचा रस्त्यावरुन ट्रक क्र.(एमएच ४१ एटी ९१२६) दोंडाईचाकडे जात असतांना समोरुन येणारी दुचाकी (क्र.एमएच ३९ एम १९२) शहरात येत असतांना धडक झाली.घडलेल्या अपघातात दुचाकीस्वार संजय राघु गावित(वय ४४,रा.शिरवाडे, ता.नंदुरबार) गंभीर जखमी झाला.
अपघात घडल्यानंतर परिसरातील नागरिकांनी घटनास्थळी धाव घेतली. जखमी झालेल्या संजय गावित यांना रुग्णवाहिकेने नंदुरबार जिल्हा रुग्णालयात दाखल करण्यात आले.
