नंदूरबार l प्रतिनिधी
नंदुरबार तालुक्यातील वैदाणे येथे राज्य पुरस्कृत एकात्मीक कापूस उत्पादकता वाढ व मुल्य साखळी विकास प्रकल्पातंर्गत जिल्हा अधिक्षक कृषि अधिकारी राकेश वाणी, उप विभागीय कृषि अधिकारी चेतन ठाकरे, तालुका कृषि अधिकारी सुनिल गांगडे व मंडळ कृषि अधिकारी वैभव कोरडे यांच्या मार्गदर्शनाखाली गणपत खंडू पाटील यांच्या शेतावर शेतक-यांच्या शेतीशाळेच्या ३. या प्रशिक्षण वर्गाचे आयोजन करण्यात आले होते.
गुलाबी बोंडअळीमुळे कापूस पिकाचे मोठ्या प्रमाणात नुकसान होत असते सदर अळीचा प्रादुर्भाव कापूस पिकाच्या लागवडीपासून ४० ते ४५ दिवसानंतर पाती, फुले व बोड अवस्थेपासून पासून सुरु होतो. प्रादुर्भाव झालेली फुले अर्धवट उमललेल्या गुलाबाच्या कळी सारखी दिसतात. प्रादुर्भाव हीरव्या बोंडामध्ये जास्त प्रमाणात आढळून येतो एकदाका अळी बोंडामध्ये शिरलो की बोंडावरील छिद्र बंद होत असल्याने वरून प्रादुर्भाव दिसून येत नाही परंतू हरवी बोंडे फोड्न पाहील्यावर आत मध्ये गुलाबी रंगाच्या आळया दृष्टीस पडतात बोंडातील अळया रुई व सरकी खातात त्यामुळे कापसाची प्रत खराब होते व वजन घटते व उत्पादनात घट येते.
या अळीच्या नियंत्रणा करीता कमी कालावधीच्या वाणाची लागवड करावी. कापूस पिकात मका ज्वारी आंबाडी या सारखी सापळा पिके लावावीत. कापूस पिक पाती व बोंड अवस्थे असतांना ५ टक्के निंबोळी अर्क किया दशपर्णी अर्कची फवारणी करावी, कापूस पिकात हेक्टरी ८ ते १० कामगंध सापळे लावावेत. सुरवातीच्या काळात इमीडाक्लोप्रीड थायोमीथॉक्झॉम आणि अॅसीफेट या कीटक नाशकांचा वापर करु नये कारण ही कीटक नाशके झाडाच्या कायीक वाडीचा कार्यकाळ लांबवतात व पोकाचा परीपक्वता कालावधी वाढवतात असे कृषि पर्यवेक्षक सुनिल पवार यांनी शेतक-यांना सांगून गणपत पाटील यांच्या शेतावर कामगंध सापळे प्रत्यक्ष लावून दाखविले.
तसेच सदर प्रशिक्षण वर्गात कृषि सहाय्यक सुधिर वाघमारे यांनी कापूस पिकावरी मित्रकिडी आणि शत्रु किडी यांची माहीती देऊन निरीक्षणाव्दारे शेतक-यांना किडींची ओळख करुन दिली. तसेच रस शोधन करणा-या किडीच्या नियंत्राणा करीता ५ टक्के निबोळी अर्क घरच्या घरी कसा तयार करावा याचे प्रात्यक्षीक शेतक-यांना करुन दाखविले व एकात्मीक अन्नद्रव्य व्यवस्थापन या बाबत शेतक-यांना माहीती दिली.सदर प्रकल्पातंर्गत प्राप्त झालेल्या निनिविष्ठांचे वाटप सरपंच प्रविण पाटील व माजी सरपंच मोतीलाल पाटील यांच्या हस्ते करण्यात आले.
या प्रसंगी ग्रामपंचायत सदस्य तसेच प्रगतीशील शेतकरी गणपत पाटील, राजू पाटील,उत्तम पाटील व इतर शेतकरी उपस्थित होते कृषि सहाय्यक सुधिर वाघमारे यांनी उपस्थितांचे आभार मानले.