नंदुरबार l प्रतिनिधी
राज्यात झालेल्या राष्ट्रवादी कॉंग्रेस पार्टीच्या संघटनेतील बदलामुळे आणि कार्यकर्त्यांमधील संभ्रम दूर करण्यासाठी नंदुरबार शहरासह जिल्ह्यातील राष्ट्रवादी युवक कॉंग्रेस पार्टी लावण्यात आलेले फलक आता बदलण्यात येत आहेत.
राष्ट्रवादी कॉंग्रेस पार्टीचे प्रदेशाध्यक्ष सुनिल तटकरे तसेच राष्ट्रवादी युवक कॉंग्रेसचे प्रदेशाध्यक्ष सुरज चव्हाण यांच्या आदेशान्वये राष्ट्रवादी कॉंग्रेस पार्टीचे जिल्हाध्यक्ष डॉ.अभिजित मोरे यांच्या मार्गदर्शनाखाली राष्ट्रवादी युवक कॉंग्रेस प्रदेश सचिव राऊ मोरे यांच्या नेतृत्वाखाली नंदुरबार शहरातील राष्ट्रवादी कॉंग्रेस पार्टी शाखेचे फलक बदलण्यात येत आहेत. यावेळी राऊ मोरे म्हणाले की, राज्यात झालेल्या राष्ट्रवादी कॉंग्रेस पार्टीच्या संघटनेतील बदलामुळे कार्यकर्त्यांमध्ये संभ्रम न राहता आपली भुमिका स्पष्ट करण्यासाठी फलक बदलण्यात येत आहेत.
राष्ट्रवादी कॉंग्रेस पार्टीत मोठे बदल झाले असून राष्ट्रवादी कॉंग्रेस पार्टीचे नेते अजित पवार, प्रदेशाध्यक्ष सुनिल तटकरे तसेच राष्ट्रवादी युवक कॉंग्रेस प्रदेश अध्यक्ष सुरज चव्हाण यांनी पद्भार सांभाळला आहे. त्यामुळे नागरीकांमध्ये आपली भुमिका स्पष्ट करणे गरजेचे आहे. यावेळी राष्ट्रवादी कॉंग्रेस पार्टीचे जिल्हा सरचिटणीस मधुकर पाटील, राष्ट्रवादी कॉंग्रेस नंदुरबार शहराध्यक्ष मोहन माळी, कार्याध्यक्ष कमलेश चौधरी. नंदुरबार युवक शहराध्यक्ष लल्ला मराठे, बबलू कदमबांडे, जितु ठाकरे, लाला बागवान, जयंत मोरे, राजा ठाकरे, कालु पैलवान, मुकेश ठाकरे, रवि चव्हाण, अनमोल पाडवी, अदनान मेमन, समीर शेख, दत्तु शिंदे उपस्थित होते.
