नंदूरबार l प्रतिनिधी
नगरपालिका शिक्षण मंडळ नंदुरबार व सेवानिवृत्त मुख्याध्यापक नवनीतलाल कानजीभाई वालासर यांच्यामार्फत शैक्षणिक साहित्य वाटप कार्यक्रम नगरपालिका शाळा क्रमांक एक नंदुरबार येथे घेण्यात आला.
कार्यक्रमाच्या अध्यक्षस्थानी मा.आ.चंद्रकांत रघुवंशी होते तर प्रमुख पाहुणे म्हणून मा. नगराध्यक्षा सौ. रत्नाताई रघुवंशी या होत्या. कार्यक्रमास मा उपनगराध्यक्ष परवेज खान, मा. कैलास पाटील, दिलीपकुमार शहा, फारुख मेमन, भावेश सोनवणे, वैशाली जगताप, शंकर रंगलानी, अब्दुल जब्बार आदी मान्यवर उपस्थित होते.
प्रथमतः मान्यवरांच्या शुभहस्ते छत्रपती शाहू महाराज यांच्या जयंतीनिमित्त त्यांच्या प्रतिमेस व सरस्वती मातेच्या प्रतिमेस पुष्पहार अर्पण करण्यात आले.
यावेळी चंद्रकांत रघुवंशी, सौ. रत्नाताई रघुवंशी व नवनीतलाल वालासर आणि मान्यवरांच्या शुभहस्ते शैक्षणिक साहित्य वाटप करण्यात आले. प्रास्तविक भावेश सोनवणे यांनी केले.
शैक्षणिक वर्ष 2023-24 करिता नगरपालिका शाळेतील बाराशे विद्यार्थ्यांना 2313 वह्या ३३८ पाट्या 746 पाणी बॉटल व 571 कलर पाऊच हे देण्यात आले तर नवजीवन विद्यालय वाघाळे येथे 2004 वह्या 500 पाणी बॉटल व 320 कलर पाऊच देण्यात आले. जि. प. शाळा वाघाळे यांना 192 वह्या, 126 पाणी बॉटल, वीस कलर पाऊच व 91 पाट्या देण्यात आल्या. जि. प. शाळा नागसर यांना २४० वह्या, 126 पाणी बॉटल, 61 पाट्या आणि अभिनव विद्यालय यांना 1302 वह्या देण्यात आल्या.
अध्यक्षीय भाषणात चंद्रकांत रघुवंशी यांनी वालासर यांनी शंभर वर्ष आयुष्य जगावे व त्यांच्या शैक्षणिक साहित्याचा उपयोग विद्यार्थ्यांनी कठोर मेहनत करून अभ्यास करावे व पुढे जावे असे सांगत वाला सरांचे व आभार मानले व सामाजिक बांधिलकी जोपासत सर्वांनी नंदुरबार शहरा करिता सहकार्य करणाऱ्या अनेक दात्यांचा आठवणींना उजाळा दिला. शैक्षणिक साहित्य वाटप कार्यक्रमास नगरपालिका शिक्षण मंडळातील सर्व मुख्याध्यापक शिक्षक बंधू भगिनी उपस्थित होते. कार्यक्रमाचे नियोजन रणजीत नाईक, जमील अहमद, करण चव्हाण, दासू कोकणी सुधीर सोनवणे, वासुदेव राजभोज, पराग पाटील, आशिष जैन, सुजित पांडे, मयूर सूर्यवंशी, सचिन आव्हाड, संतोष सदाराव, जैद शेख इत्यादी सर्व शिक्षकांनी केले. कार्यक्रमाचे सूत्रसंचालन मनीषा धनगर यांनी तर आभार प्रदर्शन शिरीष पवार यांनी केले.
