नंदुरबार l प्रतिनिधी
शहरातील स्पर्श हॉस्पिटलच्या डॉक्टर दाम्पत्यांनी मुलीविषयी सकारात्मक संदेश जावा या हेतूने जागतिक महिला दिनाचे औचित्य साधून महिला दिनी त्यांच्या हॉस्पिटलमध्ये जन्माला येणाऱ्या प्रसुती मोफत करण्याचा निर्णय घेतल्यानंतर आठ मार्च रोजी जन्मलेल्या दोन्ही प्रसुती मोफत केल्या. यामुळे प्रसुती झालेल्या दोन्ही महिलांचे प्रत्येकी तीस हजार रुपयांचा खर्च वाचला आहे. डॉ प्रशांत ठाकरे, डॉ. प्रिती ठाकरे यांनी राबवलेल्या या उपक्रमाचे सर्वत्र कौतूक होत आहे.
सुनिता ढेपे यांनी मुलीला जन्म दिला. या महिलेने या अगोदर टेस्ट टयूबच्या माध्यमातून खुपदा उपचार केले. पाच लाखांचा खर्च होऊनही त्यांना संतान होत नव्हती. अखेर आठ मार्चला या ४२ वर्षीय महिलेने मुलीला जन्म दिला. तसेच त्यांच्याकडून कुठलीही फी आकारणी करण्यात न आल्याने त्यांच्या चेहऱ्यावर दुहेरी आनंद पाहायला मिळाला.
तर दुसरी महिला हषां बेलकर या तळोद्याहून आल्या. त्यांनी आठ मार्च रोजी सकाळी आठ वाजेला मुलीला जन्म दिला. दोन्ही प्रसुती या सिझर कराव्या लागल्या. मात्र मुलींची प्रकृती उत्तम असून महिला दिनाचे ८ मार्चला सकाळी सात वाजेला अशा पध्दतीने स्वागत केले.दरम्यान असे विविध उपक्रम राबविणार असल्याचे डॉ प्रशांत ठाकरे, डॉ. प्रिती ठाकरे यांनी सांगितले.
