नंदूरबार l प्रतिनिधी
वाळूचा भरलेला ट्रक अडवून नंदूरबार तहसील कार्यालयात जमा केला होता सदरचा ट्रक सोडून देण्यासाठी १ लाखाची लाचेची मागणी करीत नंदूरबार तहसील कार्यालयाच्या समोर ७० हजाराची लाच स्वीकारताना रनाळे मंडळ अधिकारी यांना धुळे येथील लाचलुचपत प्रतिबंधक विभागाच्या पथकाने रंगेहाथ अटक केली आहे.
याबाबत अधिक माहिती अशी की, तक्रारदार यांचा गौण खनिज वाहतुकीचा व्यवसाय असून त्यांचा वाळूने भरलेला ट्रक नंदूरबार तालुक्यातील रनाळे मंडळ अधिकारी प्रशांत निळकंठ देवरे यांनी नंदुरबार शहरातील करण चौफुली येथे अडवून तहसील कार्यालय नंदुरबार येथे 21 फेब्रुवारी रोजी जमा केला होता.सदरचा ट्रक सोडून देण्याकरिता प्रशांत निळकंठ देवरे यांनी तक्रारदार यांच्याकडे 27 फेब्रुवारी रोजी पंचांसमक्ष 1 लाखाची लाचेची मागणी करून पहिला हप्ता म्हणून ७० हजार लाचेची रक्कम तहसील कार्यालय, नंदुरबार च्या गेट समोर 27 फेब्रुवारी रोजी स्वीकारताना धुळे येथील लाचलुचपत प्रतिबंधक विभागाच्या पथकाने रंगेहाथ अटक केली आहे.नंदूरबार तालुक्यातील रनाळे मंडळ अधिकारी प्रशांत निळकंठ देवरे यांनी अटक करण्यात आली असून नंदुरबार उपनगर पोलीस स्टेशन येथे गुन्हा नोंदविण्याचे काम सुरू होते.
सदरची कारवाई पोलीस अधीक्षक, ला.प्र.वि, नाशिक परीक्षेत्र,नाशिक श्रीमती शर्मिष्ठा घारगे-वालावलकर अप्पर पोलीस अधीक्षक, ला.प्र.वि, नाशिक नारायण न्याहाळदे, वाचक पोलीस उपअधीक्षक नरेंद्र पवार यांच्या मार्गदर्शाखाली सापळा पर्यवेक्षण अधिकारी
पोलीस उपअधीक्षक लाचलुचपत प्रतिबंधक विभाग धुळअनिल बडगुजर, सापळा अधिकारी
पोलीस निरीक्षक ला.प्र.वि.धुळे मंजितसिंग चव्हाण, सहा. सापळा अधिकारी पोलीस निरीक्षक, ला.प्र.वि.धुळे प्रकाश झोडगे, राजन कदम,शरद काटके,संतोष पावरा,रामदास बारेला,जगदीश बडगुजर यांच्या पथकाने केली आहे.
