नंदुरबार | प्रतिनिधी
शहादा येथे छत्रपती संभाजी महाराज हे धर्मवीर नव्हते असे बेताल वक्तव्य करणार्या विरोधी पक्षाचे अजित पवार यांचा निषेध करीत भाजपातर्फे त्यांच्या पुतळ्यास जोडे मारून निषेध करण्यात आला.
छत्रपती संभाजी महाराज हे धर्मवीर नव्हते असे बेताल वक्तव्य करणार्या विरोधी पक्षाचे अजित पवार यांच्या विरोधात आज नंदुरबार जिल्ह्यातील शहादा शहर मंडळात भाजपा प्रदेश महामंत्री विजय चौधरी यांच्या नेतृत्वाखाली तीव्र निषेध आंदोलन करण्यात आले. याप्रसंगी विरोधी पक्षाचे नेते अजित पवार यांच्या पुतळ्यास जोडे मारून निषेध करण्यात आला.
याप्रसंगी जिल्हा संघटन सरचिटणीस निलेश माळी, जिल्हा उपाध्यक्ष प्रा.मकरंद पाटील, जिल्हा उपाध्यक्ष कल्पना पंड्या, शहराध्यक्ष विनोद जैन, शहादा तालुका अध्यक्ष शशिकांत पाटील, प्रकाशा अध्यक्ष ईश्वर पाटील, आदिवासी मोर्चा जिल्हाध्यक्ष लक्ष्मीकांत वसावे, शहर सरचिटणीस कमलेश जांगिड, महिला मोर्चा शहराध्यक्ष रोहिणी भावसार, शहर उपाध्यक्ष नंदाताई सोनवणे, भावना लोहार, शहर उपाध्यक्ष पंकज सोनार, अक्षय अमृतकर, युवा मोर्चा उपाध्यक्ष रमा शंकर माळी, युवा मोर्चा शहराध्यक्ष राजीव देसाई आदी पदाधिकारी मोठ्या संख्येने उपस्थित होते.