नंदुरबार l
तालुक्यातील उमर्दे ते कोठली रस्त्यावर ॲपेरिक्षाने दुचाकीला धडक दिल्याने तिघेजण जखमी झाल्याची घटना घडली. याप्रकरणी ॲपेरिक्षा चालकाविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार तालुकयातील उमर्दे बु. येथील किंजल दिनकर आगळे त्यांचे काका राजू आगळे व बहिण प्रियंका राजू आगळे हे तिघेजण दुचाकीने (क्र.एम.एच.१९ एटी ८२२२) कोठली ते उमर्दे रस्त्याने जात होते. यावेळी एका पांढऱ्या रंगाच्या ॲपेरिक्षा चालकाने त्याच्या ताब्यातील ॲपेरिक्षा रस्त्याच्या परिस्थितीकडे दुर्लक्ष करुन भरधाव वेगात चालवून उमर्दे गावाजवळ विजय भटू ठाकरे यांच्या शेताजवळ दुचाकीला धडक दिल्याने अपघात घडला.
घडलेल्या अपघातात किंजल आगळे, राजू आगळे व प्रियंका आगळे यांना दुखापत झाली. तसेच दुचाकीचेही नुकसान झाले. याबाबत किंजल आगळे यांच्या फिर्यादीवरुन उपनगर पोलिस ठाण्यात ॲपेरिक्षा चालकाविरोधात भादंवि कलम २७९, ३३७, ३३८, ४२७ सह मोटार वाहन कायदा कलम १८४, १३४/१८७ प्रमाणे गुन्हा दाखल करण्यात आला आहे. पुढील तपास सहाय्यक पोलिस उपनिरीक्षक वंतु गावित करीत आहेत.
