नंदुरबार | प्रतिनिधी
धडगांव तालुक्यातील खामला येथे एकाच्या घरात पोलीसांनी छापा टाकुन १ लाख ५२ हजार १४५ रुपये किंमतीचा १४ किलो ४९० ग्रॅम गांजा जप्त करण्यात आला असुन या प्रकरणी एकास अटक करण्यात आली आहे.
याबाबत अधिक माहिती अशी कि,धडगांव पोलीस निरीक्षक यांना पारशा कोंडया पराडके रा. खामला ता. धडगाव हा त्याच्या घरात स्वताच्या आर्थिक फायदयासाठी बेकायदेशीररित्या मानवी मेंदुवर विपरीत परीणाम करणारे गुंगीकारक गांजा हा अंमली पदार्थाची विक्री करीत आहे अशी गुप्त बातमी मिळाली.त्यांनी पथकासह पारशा कोंडया पराडके याच्या घरात छापा टाकुन १ लाख ५२ हजार १४५ रुपये किंमतीचा १४ किलो ४९० ग्रॅम वजनाचा मनोव्यापारावर परिणाम करणारा गांजा हा अंमली पदार्थ बेकायदेशीररित्या कब्जात बाळगुन विक्री करण्यासाठी घरात बाळगतांना मिळुन आला.
पोलीसांनी सदरचा गांजा जप्त केला आहे. याप्रकरणी पोसई प्रविण महाले यांच्या फिर्यादीवरून पारशा कोंडया पराडके यांच्या विरूध्द धडगांव पोलीस ठाण्यात गुन्हा दाखल करून त्याला अटक रण्यात आली आहे. सदरची कारवाई पोलीस अधीक्षक पी. आर. पाटील, अपर पोलीस अधीक्षक निलेश तांबे यांच्या मार्गदर्शनाखाली उपविभागीय पोलीस अधिकारी शहादा श्रीकांत घुमरे, पोलीस निरीक्षक आय. एन. पठाण,पोसई प्रविण महाले,
पोह राजेंद्र जाधव, जयेश गावीत, स्वप्निल गोसावी, पोना. शशिकांत वसईकर, पोकॉ. रितेश शांताराम बेलेकर, गणेश रमेश मराठे, विकास अशोक चौधरी , विनोद पांडुरंग पाटील, जितेंद्र मुरलीधर सांगळे, राजेश्वर सायबू भुसलवाड, राजेश गोकुळ तिरकाडे यांच्या पथकाने केली आहे.
