नंदुरबार l प्रतिनिधी
महाराष्ट्र पोलीस बॉय संघटनांच्या वतीने 26- 11 मध्ये शहीद झालेल्या जवानांना श्रद्धांजली अर्पण करण्यात आली. त्यात विविध बांधवांनी सहभाग नोंदविला. मेणबत्त्या पेटवून व पुष्प अर्पण करून शहिदांना श्रद्धांजली अर्पण करण्यात आली.
महाराष्ट्र पोलीस बाय संघटना नंदुरबार जिल्ह्याच्या वतीने 26 11 मुंबई येथे झालेल्या दहशतवादी हल्ल्यात शहीद झालेल्या जवानांना नेहरू चौकात भावपूर्ण श्रद्धांजली अर्पण करण्यात आली .सदरील कार्यक्रमाला पोलीस उपाधीक्षक सचिन हिरे , नंदुरबार शहर पोलीस स्टेशनचे पोलीस निरीक्षक रवींद्र कळमकर ,
शहर वाहतूक शाखेचे सहाय्यक पोलिस निरीक्षक राकेश चौधरी, नंदुरबार उपनगर पोलीस स्टेशनचे पोलीस निरीक्षक दिनेश भदाणे , नंदुरबार तालुका पोलीस स्टेशनचे पोलीस निरीक्षक रवींद्र पवार , पोलीस उपनिरीक्षक कमलाकर चौधरी, श्री. गुंजाळ, नंदुरबार जिल्हा परिषदेचे माजी उपाध्यक्ष ॲड.राम रघुवंशी , नंदुरबार नगरपालिकेचे माजी नगराध्यक्ष व विद्यमान नगरसेवक रवींद्र पवार ,
महाराष्ट्र पोलीस बॉय संघटनेचे उत्तर महाराष्ट्र महिला प्रमुख श्रीमती. मंगला गायकवाड, पोलीस बॉय संघटनेचे जिल्हाध्यक्ष दीपक चौधरी, पोलीस बाय संघटनेचे सरचिटणीस विजय पवार, सचिव ॲड. हेमंत गांगुर्डे, संपर्कप्रमुख मनीष वाणी, तालुकाप्रमुख समीर मिर्झा, उपप्रमुख विजय ठाकरे, श्री. वाडीले आदींनी 26/ 11 पोलीस शहिदांना श्रद्धांजली अर्पण केली.
कार्यक्रमाचे सूत्रसंचालन पोलीस बॉय संघटनेचे सरचिटणीस विजय पवार यांनी केले. तर आभार संघटनेचे खजिनदार प्राध्यापक श्री. देवरे यांनी मानले. कार्यक्रमाच्या शेवटी मशाल रॅलीचे आयोजन करण्यात आले होते. शहिदांच्या प्रतिमेसमोर मेणबत्त्या पेटवून अभिवादन करण्यात आले.