नंदुरबार l
छत्रपती शाहू महाराज संशोधन,प्रशिक्षण व मानव विकास संस्था,पुणे (सारथी ) व एम एस एम ई-टेक्नॉलॉजी सेंटर इंडो जर्मन टुल रुम,औरंगाबाद यांच्याद्वारे राज्यातील मराठा,कुणबी, कुणबी मराठा आणि मराठा कुणबी समाजातील सुशिक्षित बेरोजगार युवक युवतींकरीता विनामुल्य, अनिवासी पुर्णवेळ प्रशिक्षण औरंगाबाद, पुणे, कोल्हापूर व नागपूर येथे होणार आहे. या प्रशिक्षणाचा मराठा समाजातील युवक व युवतींनी लाभ घ्यावा, असे आवाहन कौशल्य विकास, रोजगार व उद्योजकता, सहायक आयुक्त विजय रिसे यांनी केले आहे.
या प्रशिक्षणासाठी उमेदवारांची वयोमर्यादा 18-35 वर्ष असून शैक्षणिक पात्रता दहावी, बारावी, आय.टी.आय, अभियांत्रिकी डिप्लोमो/ डिग्री अशी आहे. येथे देण्यात येणाऱ्या प्रशिक्षणाच्या सेक्टर, विषया संदर्भातील अधिक माहितीसाठी व नोंदणीसाठी www.igtr-aur.org या संकेतस्थळावर उपलब्ध आहे. असे कौशल्य विकास, रोजगार व उद्योजकता, सहायक आयुक्त विजय रिसे यांनी एका प्रसिद्धीपत्रकान्वये कळविले आहे.
