तळोदा l प्रतिनिधी
१५ नोव्हेंबर रोजी बिरसा मुंडा यांची जयंती देशभरात जनजाती गौरव दिवस म्हणून उत्साह साजरा केली जाते. त्यासाठी तळोदा येथे देखील विविध कार्यक्रमांचे नियोजन करण्यात आले असून तळोदा येथील नूतनीकरण करण्यात आलेल्या बिरसा मुंडा स्मारकाचे व स्मारकावरील बिरसा मुंडा यांच्या नूतन पुतळ्याचे अनावरण राज्याचे ग्राम विकास आणि पंचायती राज, वैद्यकीय शिक्षण, क्रीडा व युवक कल्याण मंत्री गिरीश महाजन यांच्या प्रमुख उपस्थितीत होणार आहे.
त्यांच्यासोबत या कार्यक्रमाला राज्याचे आदिवासी विकास मंत्री डॉ. विजयकुमार गावित,खासदार डॉ. हिना गावित,जिल्हा परिषदेचे अध्यक्ष सुप्रिया गावित यांच्या प्रमुख उपस्थितीत हा सोहळा पार पडणार आहे,अशी माहिती आमदार राजेश पाडवी यांनी दिली.
या कार्यक्रमासाठी आमदार राजेश पाडवी यांनी बिरसा मुंडा स्मारक परिसराची व बस स्थानक परिसराची पाहणी केली.यावेळी त्यांच्या समवेत भाजपाचे प्रदेश कार्यकारिणी सदस्य डॉ.शशिकांत वाणी,नगराध्यक्ष अजय परदेशी,भारतीय किसान मोर्चाचे प्रदेश चिटणीस श्याम राजपूत,भाजपा अनुसूचित जमाती मोर्चाचे पंकज पावरा, प्रतापपूर ग्रामपंचायत सदस्य पन्नालाल पावरा, किरण सूर्यवंशी आदी उपस्थित होते.
