नंदुरबार : नवापूर तालुक्यातील बिलदा ते जामदा रस्त्यावर दुचाकी घसरल्याने तरुणाचा मृत्यू झाल्याची घटना घडली.
याबाबत पोलिस सूत्रांनी दिलेल्या माहितीनूसार, उच्छल तालुक्यातील करोड नवागाव येथील विशाल अरविंद वळवी (वय २२) हा तरुण नवापूर येथून दुचाकी (क्र.जी.जे.२६ एल १३१५) दुरुस्त करुन बिलदा ते जामदा रस्त्याने घरी जात होता.
यावेळी बिलदा गावाच्या शिवारात दुचाकी घसरल्याने विशाल वळवी यांच्या डोक्याला दुखापत झाल्याने त्याचा मृत्यू झाला. याबाबत दामजी मुकामजी गावित यांच्या फिर्यादीवरुन नवापूर पोलिस ठाण्यात मयत विशाल वळवी याच्याविरोधात भादंवि कलम ३०४ (अ), २७९, ३३७, ३३८ प्रमाणे गुन्हा दाखल करण्यात आला होता. पुढील तपास सहाय्यक पोलिस उपनिरीक्षक बळवंत वळवी करीत आहेत.