नंदूरबार l प्रतिनिधी
गुजरात राज्याच्या डिसेंबर 2022 मध्ये होणाऱ्या विधानसभा निवडणुकीच्या पार्श्वभूमीवर महाराष्ट्र प्रदेश भारतीय जनता पार्टीतर्फे तापी जिल्ह्याचे निवडणूक प्रभारी तसेच निझर मतदार संघाची जबाबदारी शहादा मतदारसंघाचे आ. राजेश पाडवी यांना देण्यात आली आहे.
गेल्या तीन वर्षाच्या कालावधीत शहादा तळोदा मतदार संघात आमदार राजेश पाडवी यांचे पक्ष संघटन मजबूत करण्यात महत्त्वपूर्ण योगदान राहिले आहे त्यांचे नियोजनबद्ध आणि संघटनात्मक कामगिरीची दखल भाजपा श्रेष्ठींनी घेत डिसेंबर 2022 मध्ये होऊ घातलेल्या गुजरात राज्याच्या विधानसभा निवडणुकीच्या पार्श्वभूमीवर महाराष्ट्र प्रदेश भाजपा तर्फे आ. राजेश पाडवी यांच्यावर शेजारील गुजरात राज्यातील तापी जिल्ह्याचे निवडणूक प्रभारी व निझर मतदार संघाची जबाबदारी सोपविली आहे.
भारतीय जनता पक्षाने आपल्यावर सोपविलेल्या जबाबदारीचे पालन करून प्रक्षश्रेष्ठींचा विश्वास सार्थ ठरविणार आणि या मतदारसंघातील पक्षाचा उमेदवार मोठ्या मताधिक्याने निवडून आणणार असल्याचा विश्वास आ. राजेश पाडवी यांनी व्यक्त केला आहे.
