नंदुरबार l प्रतिनिधी
तळोदा तालुक्यातील दसवड येथील एका हॉटेल समोरच्या आवारात असलेल्या वाहनातून चोरट्याने सुमारे सव्वा लाख रुपयांचे किटकनाशकांचे बाटल्या व बॉक्स चोरुन नेल्याची घटना घडली.
याबाबत पोलिस सूत्रांनी दिलेल्या माहितीनूसार, तळोदा तालुक्यातील दसवड गावाजवळील एका हॉटेलच्या समोरील आवारात इस्तियाक नजमोद्दीदन खान याने त्याच्या ताब्यातील वाहन (क्र.एम.एच.४० बीएल २५९१) लावले होते.
सदर वाहनातून चोरट्याने एकूण १ लाख १९ हजार रुपये किंमतीच्या किटकनाशकांची बाटल्या व बॉक्स चोरुन नेल्या. याबाबत इस्तियाक नजमोद्दीन खान यांच्या फिर्यादीवरुन तळोदा पोलिस ठाण्यात अज्ञाताविरुद्ध भादंवि कलम ३७९ प्रमाणे गुन्हा दाखल करण्यात आला आहे. पुढील तपास महिला सहाय्यक पोलिस निरीक्षक प्रिया वसावे करीत आहेत.