नंदुरबार l प्रतिनिधी
नवापूर तालुक्यातील शेही येथे पोलिस ठाण्यात दाखल गुन्हा मागे घेण्याच्या कारणावरुन दोन गटात हाणामारी झाली. यात दोन्ही सात जण जखमी झाले असून परस्पर फिर्यादीतून २१ जणांविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नवापूर तालुक्यातील शेही येथील ज्योती रितेश वळवी यांनी विवेक रमेश वळवी याच्याविरोधात केलेला गुन्हा मागे घेण्याच्या कारणावरुन विवेक रमेश वळवी याने ज्योती वळवी यांना काठीने डोक्यावर मारुन दुखापत केली. तसेच पियुष विवेक वळवी, मनोज विवेक वळवी, जिवन रमेश वळवी, सुनिताबाई विवेक वळवी, सुरेखाबाई दिनेश वळवी,
लिलाबाई कोट्या पाडवी, निखील रमेश वळवी व दिनेश प्रल्हाद वळवी यांनी ज्योती वळवी यांचे सासरे बापु वळवी, सासू रशिलाबाई वळवी, जेठाणी लक्ष्मीबाई यांनाही हाताबुक्यांनी मारहाण केली. तसेच शिवीगाळ करीत जिवेठार मारण्याची धमकी दिली.
याबाबत ज्योती वळवी यांच्या फिर्यादीवरुन विसरवाडी पोलिस ठाण्यात ९ जणांविरोधात भादंवि कलम १४३, १४७, १४९, ३२४, ३२३, ५०४, ५०६ सह महाराष्ट्र पोलिस अधिनियम कायदा कलम ३७ (१) (३) चे उल्लंघन १३५ प्रमाणे गुन्हा दाखल करण्यात आला आहे. पुढील तपास सहाय्यक पोलिस निरीक्षक नरेंद्र वळवी करीत आहेत.
तर पियुष विवेक वसावे यांनी दिलेल्या परस्पर फिर्यादीत म्हटले आहे की, ज्योती रितेश वळवी यांनी पियुष वळवी यांचे वडील विवेक वळवी यांच्याविरोधात दाखल गुन्ह्यात जामीन झाला. या कारणावरुन नटवर उर्फ विश्वनाथ सुदाम वळवी, रितेश बापू वळवी, प्रमोद बापू वळवी, महेंद्र बापू वळवी, विष्णू जोलू वळवी, संजय विष्णू वसावे, बापू फूलजी वळवी, संदिप कांतीलाल वळवी, अविनाश जिवल्या मावची, रशिलाबाई बापू वणी, ज्योती रितेश वळवी, ममताबाई नटवर वळवी यांनी पियुष वळवी यांची आई व काकू यांना हाताबुक्यांनी मारहाण केली.
तसेच पियुष वळवी व त्यांचे वडील विवेक वळवी, आजोबा रमेश वळवी व काका जिवन रमेश यांनाही हाताबुक्यांनी मारहाण केली. तसेच शिवीगाळ करीत जिवेठार मारण्याची धमकी दिली. याबाबत पियुष वळवी यांचय फिर्यादीवरुन विसरवाडी पोलिस ठाण्यात १२ जणांविरोधात भादंवि कलम १४३, १४७, १४९, ३२४, ३२३, ५०४, ५०६ सह महाराष्ट्र पोलिस अधिनियम कायदा कलम ३७ (१) (३) चे उल्लंघन १३५ प्रमाणे गुन्हा दाखल करण्यात आला आहे. पुढील तपास पोहेकॉ.हिन्दुस्थान नाईक करीत आहेत.