उमर्दे खुर्दे येथील जिल्हा परिषद शाळेत स्वातंत्र्य दिवस अतिशय उत्साहात साजरा

नंदूरबार l प्रतिनिधी

जिल्हा परिषद शाळा उमर्दे खुर्दे ता.नंदूरबार येथे स्वातंत्र्य दिवस अतिशय उत्साहाने साजरा करण्यात आला. शाळा व्यवस्थापण समिती अध्यक्ष जितेंद्र सुदाम मराठे यांच्या हस्ते ध्वजारोहण करण्यात आले.

याप्रसंगी सरपंच अरविंद ठाकरे, उपसरपंच सागर मराठे व ग्रामपंचायत सदस्य तसेच ग्रामस्थ उपस्थित होते. या प्रसंगी शाळेतील मुलींनी भारतमाता, सावित्री बाई फुले असे सजीव देखावे साजरे केले. तसेच शाळेतील शिक्षिका सौ. मीना वसंत पाटील यांनी नातीच्या जन्मबद्दल सर्व मुलांना वही पेन्सिल भेट दिली.

तसेच ग्रामपंचायत सदस्य श्रावण पाटील यांच्यातर्फे सर्व विद्यार्थ्यांना कंपास पाऊच देण्याची घोषणा केली, देविदास आनंदा साळवे व ग्रामपंचायत तर्फे सर्व विद्यार्थ्यांना खाऊ वाटप करण्यात आले.
सूत्रसंचालन निलेश चव्हाण यांनी केले तर आभार मुख्यध्याप राजेंद्र बागुल यांनी मानले.