साने गुरुजी कनिष्ठ महाविद्यालयातील २५० विद्यार्थ्यांना शैक्षणिक साहित्य वाटप

शहादा l प्रतिनिधी

पूज्य साने गुरुजी विद्या प्रसारक मंडळाचे कला, विज्ञान, वाणिज्य कनिष्ठ महाविद्यालय शहादा येथे विद्यार्थ्यांना शैक्षणिक साहित्य वाटप करण्यात आले.

विद्यार्थ्यांना संस्थेचे समन्वयक प्रा.मकरंद पाटील , महाविद्यालयाचे प्राचार्य डॉ.आर. एस.पाटील, कनिष्ठ महाविद्यालयाच्या उपप्राचार्य प्रा.सौ.कल्पना पटेल, पर्यवेक्षक प्रा.के.एच.नागेश यांच्या हस्ते कॉलेज बॅग, वह्या व गणवेशाचे वाटप करण्यात आले.

विद्यार्थ्यांना विकासाच्या प्रवाहात टिकून ठेवण्यासाठी शिक्षण खूप महत्त्वाचे आहे. अभ्यास करा आणि गुणवंत व्हा, अशा शब्दांत समन्वयक प्रा. मकरंद पाटील यांनी विद्यार्थ्यांना मार्गदर्शन केले. एकूण 250 विद्यार्थ्यांना शैक्षणिक साहित्य वाटप करण्यात आले. कार्यक्रमाच्या यशस्वीतेसाठी कनिष्ठ महाविद्यालयातील कला शाखेचे सर्व प्राध्यापक वृंद उपस्थित होते.