नंदुरबार l प्रतिनिधी
नवापूर तालुक्यातील महालकडू येथे लहान मुलांच्या भांडणाच्या कारणावरुन एकास काठी व विटांनी मारहाण करुन दुखापत केल्याप्रकरणी सात जणांविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नवापूर तालुक्यातील महालकडू येथे लहान मुलांचे भांडण झाले. या कारणावरुन आकाश सुरेश वसावे यांना विपिन ईश्वर वसावे, रमेश छगन वसावे, पिकेश रमेश वसावे, प्रशांत ईश्वर वसावे, निमा विपिन वसावे, लिला ईश्वर वसावे,
मिनू रमेश वसावे यांनी काठीने व विटांनी तसेच हाताबुक्यांनी मारहाण केली. तसेच शिवीगाळ करीत जिवेठार मारण्याची धमकी दिली. याबाबत आकाश वसावे यांच्या फिर्यादीवरुन नवापूर पोलिस ठाण्यात सात जणांविरोधात भादंवि कलम १४३, १४७, १४९, ३२४, ३२३, ५०४, ५०६ प्रमाणे गुन्हा दाखल करण्यात आला आहे. पुढील तपास सहाय्यक पोलिस निरीक्षक बळवंत वळवी करीत आहेत.
