नंदुरबार l प्रतिनिधी
येथील ना.डॉ.विजयकुमार गावित साहेब वाढदिवस आयोजन समितीच्या वतीने राज्याचे कॅबिनेट मंत्री ना.डॉ.विजयकुमार गावित यांच्या वाढदिवसानिमित्त दि.15 ऑगस्ट 2022 रोजी खुली मॅरेथॉन स्पर्धेचे आयोजन करण्यात आले आहे. ही मॅरेथॉन स्पर्धा इ.8 ते 10 तील मुला-मुलींसह पुरुष व महिलांसाठी खुली असणार आहे. या मॅरेथॉन स्पर्धेत खेळाडूंनी सहभागी व्हावे, असे आवाहन ना.डॉ.विजयकुमार गावित वाढदिवस आयोजन समितीतर्फे करण्यात आले आहे.
नंदुरबार जिल्ह्याचे शिल्पकार तथा राज्याचे कॅबिनेट मंत्री, नंदुरबार जिल्ह्याचे पालकमंत्री ना.डॉ.विजयकुमार गावित यांचा वाढदिवस दि.15 ऑगस्ट रोजी असल्याने त्यानिमित्त ना.डॉ.विजयकुमार गावित साहेब वाढदिवस आयोजन समितीच्या वतीने खुली मॅरेथॉन स्पर्धा 2022 चे आयोजन करण्यात आले आहे. या स्पर्धेत पहिला गट इयत्ता 8 ते 10 वीसाठी 6 कि.मी.अंतर मुले, महिला गट इयत्ता 8 वीे 10 साठी 6 कि.मी.अंतर मुलींकरीता, पुरुष गट खुला असून 20 कि.मी.अंतर आणि महिला गट देखील खुला असल्याने 10 कि.मी.अंतराची मॅरेथॉन स्पर्धा होणार आहे.
मुले व मुलींच्या गटासाठी प्रथम पारितोषिक 5 हजार रुपये, द्वितीय पारितोषिक 3 हजार रुपये, तृतीय पारितोषिक 2 हजार रुपये तसेच पुरुष व महिलांच्या गटासाठी प्रथम पारितोषिक 7 हजार रुपये, द्वितीय पारितोषिक 5 हजार रुपये, तृतीय पारितोषिक 3 हजार रुपये असे प्रत्येकी पारितोषिक गटानुसार अनुक्रमे असेल.
सदरच्या चारही गटातील मॅरेथॉन स्पर्धांना ना.डॉ.विजयकुमार गावित यांच्या निवासस्थानापासुन सुरुवात होणार आहे. मुले व मुलींच्या 6 कि.मी.अंतरासाठी ना.डॉ.विजयकुमार गावित यांचे निवासस्थापासुन यशवंत विद्यालय, आयटीआय, अंधारे चौक, महाराणा प्रताप चौक, बसस्थानक, नेहरु पुतळा, गांधी पुतळा, उड्डाणपुल, गिरीविहार गेट येथुन पुन्हा त्याच मार्गाने येवुन ना.डॉ.गावित यांच्या निवासस्थानी मॅरेथॉनचा समारोप होईल. तसेच महिलांच्या 10 कि.मी. अंतराची मॅरेथान स्पर्धा ही ना.डॉ.विजयकुमार गावित यांचे निवासस्थापासुन यशवंत विद्यालय, आयटीआय, अंधारे चौक, महाराणा प्रताप चौक, बसस्थानक, नेहरु पुतळा, गांधी पुतळा, उड्डाणपुल, गिरीविहार गेट, स्वागत पेट्रोलपंप, करण चौफुलीजवळून पुन्हा त्याचमार्गाने ना.डॉ.विजयकुमार गावित यांच्या निवासस्थानाजवळ येईल.
पुरुषांच्या 20 कि.मी.अंतरासाठी ना.डॉ.विजयकुमार गावित यांचे निवासस्थापासुन यशवंत विद्यालय, आयटीआय, अंधारे चौक, महाराणा प्रताप चौक, बसस्थानक, नेहरु पुतळा, गांधी पुतळा, उड्डाणपुल, गिरीविहार गेट, स्वागत पेट्रोलपंप, करण चौफुली, पातोंडा, कृष्णा इंटरनॅशनल स्कुलपासुन पुन्हा त्याचमार्गाने ना.डॉ.विजयकुमार गावित यांच्या निवासस्थानाजवळ येवुन समारोप होईल, याप्रमाणे मॅरेथॉन स्पर्धेचा मार्ग असेल. या स्पर्धेसाठी दि.14 ऑगस्टपर्यंत प्रवेश स्विकारण्यात येणार आहे. या खुल्या मॅरेथॉन स्पर्धेत खेळाडूंनी सहभागी व्हावे, असे आवाहन ना.डॉ.विजयकुमार गावित वाढदिवस आयोजन समितीने केले आहे.
