नंदुरबार l प्रतिनिधी
शहरातील करण चौफुलीजवळ सिगरेट उधान न दिल्याने डोक्यावर दगडाने मारुन दुखापत केल्याप्रकरणी गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार येथील संतोष गंगाराम पाटील यांची पानटपरी आहे. सुरेश मराठे योने संतोष पाटील यांच्याकडून एक सिगरेट उधार दिली.
त्यानंतर सुरेश मराठे याने पुन्हा एक सिगरेट उधार मागितली. त्यास नकार दिल्याच्या राग आल्याने सुरेश मराठे याने संतोष पाटील यांच्या डोक्यावर दगडाने मारुन दुखापत केली. तसेच शिवीगाळ करीत जिवेठार मारण्याची धमकी दिली. याबाबत संतोष पाटील यांच्या फिर्यादीवरुन नंदुरबार शहर पोलिस ठाण्यात सुरेश मराठे याच्याविरोधात भादंवि कलम ३२४, ५०४, ५०६ प्रमाणे गुन्हा दाखल करण्यात आला आहे. पुढील तपास पोना.अरविंद पाडवी करीत आहेत.