नंदुरबार l प्रतिनिधी
येथील श्रीमती डी.आर.हायस्कूल येथे क्रांती दिवस व विश्व आदिवासी गौरव दिवस उत्साहात साजरा करण्यात आला. कार्यक्रमाच्या सुरुवातीला शाळेतील विद्यार्थ्यांनी खाजा नाईक,बिरसा मुंडा,तंट्या भिल, शहीद भगतसिंग सुखदेव यांची वेशभूषा परिधान केल्या तसेच शाळेतील शिक्षक-शिक्षिकांनी सुद्धा आदिवासी परंपरेचे पेहराव करून गावात आदिवासी शस्त्र व वाद्यसह शिबली नृत्य करत शोभायात्रा काढण्यात आली.
कार्यक्रमाच्या अध्यक्षस्थानी शाळेचे मुख्याध्यापक नारायण भदाणे तर प्रमुख वक्ते म्हणून दाज्या पावरा (पंचायत समिती सदस्य तळोदा) हे लाभले. व्यासपीठावर उपमुख्याध्यापक सुभाष चौधरी,ज्येष्ठ पर्यवेक्षक पंकज पाठक, उत्सव समिती प्रमुख राजेंद्र लांडगे उपस्थित होते.
कार्यक्रमाची सुरुवात शाळेतील विद्यार्थ्यांनी ईशस्तवन व आदिवासी पावरी स्वागत गीताने केले.कार्यक्रमाच्या प्रास्ताविक सुहास वळवी यांनी हा दिवस का साजरा केला जातो? व त्या मागचे उद्देश काय? हे स्पष्ट केले. मान्यवरांच्या हस्ते तंट्या भिल,खाजा नाईक,बिरसा मुंडा, क्रांतिवीर भगतसिंग,सुखदेव यांच्या प्रतिमेचे पूजन करण्यात आले. तसेच शाळेतील विद्यार्थ्यांनी प्रमुख पाहुण्यासमोर आदिवासी वाद्य प्रकारातील एक विशिष्ट प्रकार थाळीवर काठी ठेवून विशिष्ट पद्धतीने वाजवून दाखविले. व त्याची माहिती निलेश गावित यांनी दिली.
शाळेतील विद्यार्थी प्रणील सोनवणे व भूषण आव्हाड यांनी आपले मनोगत व्यक्त केले. तर कार्यक्रमासाठी प्रमुख वक्ते म्हणून लाभलेले दाज्या पावरा यांनी स्वातंत्र्यसंग्रामातील नंदुरबार जिल्ह्यातील चळवळी व आदिवासी क्रांतिकारकांचे स्वातंत्र्य लढ्यातील योगदान सांगितले.
या दिनाच्या औचित्याने शाळेत निबंध स्पर्धा दोन घेण्यात आली.निबंध स्पर्धेतील विजेत्या विद्यार्थ्यांची नावे पुढील प्रमाणे-गट 1 ला -५ वी ते 7 वी, प्रथम, मोहित बावा ,7वी ब, द्वितीय जन्मेंजय पगारे, 7वी ड तृतीय -सोहम माळी, 6वी क, उत्तेजनार्थ -रोशन पाटील ,7वी ब, उत्तेजनार्थ कुणाल पाटील 6वी ड, गट 2 रा -8 वी ते 10 वी, प्रथम -सार्थक पवार, 8वी ड द्वितीय समर्थ मोरे 8वी-ई तृतीय अभिषेक सोनार 8वी ड, उत्तेजनार्थ श्यामसिंग जाधव 10ड उत्तेजनार्थ लकेश नायक 8वी ड, उत्तेजनार्थ भूपेंद्र पाटील 9 वी अ
यावेळी मान्यवरांच्या हस्ते यशस्वी विद्यार्थ्यांना बक्षीस व प्रमाणपत्र देऊन गौरविण्यात आले.
निबंध स्पर्धेचे परीक्षण उत्सव समिती प्रमुख राजेंद्र लांडगे व तुषार नांद्रे यांनी केले.
अध्यक्षीय समारोपामध्ये मुख्याध्यापक नारायण भदाणे यांनी आदिवासी दिनानिमित्त आदिवासी संस्कृतीचे जतन व आपले कर्तव्य काय आहेत? हे स्पष्ट केले. कार्यक्रमाचे सूत्रसंचलन हेमंत खैरनार,स्वागत सत्कार बागुल मॅडम तर ऋणनिर्देश कमल चौरे यांनी मानले.
कार्यक्रमाच्या यशस्वीतेसाठी सर्व शिक्षक बंधू भगिनी व शिक्षकेतर कर्मचारी यांनी परिश्रम घेतले.