पूरात वाहुन मृत्यू झालेल्या महिलेचा ५ दिवसानंतरही पत्ता लागेना

नंदूरबार l प्रतिनिधी
नवापूर तालुक्यातील विसरवाडी पोलीस स्टेशनला 12 जुलै 2022 रोजी शेगवे गावाचे सरपंचांनी भ्रमणध्वनीने कळविलेल्या माहितीनुसार एक अनोखळी वेडसर महिला वय अंदाजे 30 ते 35 वर्ष नाव गाव माहिती नाही.

अनोळखी महिला सकाळी 7 वाजेच्या सुमारास शेगवे गावाच्या नदीच्या पूरात उडी मारतांना शेगवे गावातील नागरीकांनी पाहिल्यानंतर लगेच तिचा नदीत शोध घेतला असता तिचा मृतदेह मिळून आला आहे.

सदर अनोळखी मयत महिलेची ओळख अद्याप पटलेली नाही. नातेवाईकांनीही संपर्क केलेला नाही. तरी सदर अनोळखी महिलेबाबत काही माहिती असल्यास पोलीस निरीक्षक विसरवाडी येथे संपर्क साधावा. असे आवाहन सहायक पोलीस निरीक्षक, नितीन पाटील यांनी शासकीय प्रसिध्दी पत्रकान्वये जनहितार्थ जारी केले आहे. नागरिकांनी मयत महिलेची उपयुक्त माहिती असल्यास कळवावे ही विनंती.